Endre grunnlaget for eigedomsskatten
Eigedomsskatt er ein skatt du betaler til kommunen. Viss bustaden din ligg i ein kommune som bruker Skatteetaten sin berekna marknadsverdi, blir grunnlaget for eigedomsskatten henta frå skattemeldinga di.
Grunnlaget for eigedomsskatten blir henta frå skattemeldinga to år tilbake i tid. I 2025 vart grunnlaget for eigedomsskatten henta frå skattemeldinga for 2023.
Les kva som gjeld når du representerer eit burettslag eller eit bustadselskap.
Viss det er to eller fleire eigarar av bustaden, må kvar enkelt eigar endre skattemeldinga si. Eigarane må oppgi lik informasjon om bustaden før vi sender eit nytt grunnlag til kommunen.
Dette må du gjere
Svar på nokre få spørsmål og få informasjon om korleis du kan endre grunnlaget for eigedomsskatten.
Viktig informasjon
Du må betale eigedomsskatten innan forfallsdatoen sjølv om du har endra skattemeldinga di.
Kommunen vil få eit nytt grunnlag for å berekne eigedomsskatten etter at endringa er gjennomført.