Seljar du ein eigedom der di eigartid er frå 1990 eller tidlegare, kan du oppregulera (auka) anskaffingsverdien, påkostnader og anskaffingskostnader frå 1990 eller tidlegare. For eigedom der di eigartid er frå 1991 eller seinare, kan du ikkje oppregulera etter desse reglane.

Er eigedomen skaffa over fleire år, eller det er gjennomført påkostnader i 1990 eller tidlegare, skal kvart års tillegg oppregulerast separat. Har du til dømes påkosta bustaden for 50 000 kroner i 1985, skal du oppregulera dette beløpet med satsen for 1985. Sjå tabell under. 

Summen av oppregulering av anskaffingsverdi, påkostnader og andre anskaffingskostnader kan ikkje føra til at du får eit tap ved salet, men berre redusera eller fjerne ein eventuell gevinst.

Tabell

Anskaffingsverdi, påkostnader og andre anskaffingskostnader skal aukast med prosentvis tillegg: 

Anskaffingsår	Prosentsats for oppregulering	Anskaffingsår	Prosentsats for oppregulering
1990	3	1967	200
1989	6	1966	210
1988	10	1965	220
1987	16	1964	230
1986	22	1963	240
1985	28	1962	250
1984	36	1961	260
1983	42	1960	270
1982	50	1959	280
1981	60	1958	290
1980	70	1957	300
1979	80	1956	310
1978	90	1955	320
1977	100	1954	330
1976	110	1953	340
1975	120	1952	350
1974	130	1951	360
1973	140	1950	370
1972	150	1949	380
1971	160	1948	390
1970	170	1947	400
1969	180	og tidlegare	400
1968	190

 

Døme

Ola sel ein bustad for 1 050 000 kroner. Kostnader til meklar var 25 000 kroner. Han kjøpte bustaden i 1979 for 500 000 kroner. Han hadde kostnader ved kjøpet (dokumentavgift, tinglysingsgebyr) på 10 000 kroner. Vidare hadde han i 1985 utgifter til påkostnad på 50 000 kroner. Ola har ikkje brukt bustaden som eigen bustad i eitt av dei to siste åra, og gevinsten er derfor skattepliktig.

Alle tal er i kroner

Salssum			1 050 000
	Kostnader til meklar, annonsering osb.		−  25 000
	Kjøpesum/Anskaffelsesverdi 1979	500 000
	Oppregulering 1979 - 80%*	+ 400 000	− 900 000
	Påkostnader i 1985 **	50 000
	Oppregulering 1985 - 28%	+  14 000	−  64 000
	Andre kjøps- og anskaffingskostnader i 1979	10 000
	Oppregulering 1979 - 80%*	+    8 000	−  18 000
Skattepliktig gevinst			=   43 000

 

*) For 1979 skal kjøpesum og andre kjøpskostnader blir oppregulerte med 80 prosent. Det fører til at kjøpesummen blir auka med 400 000 kroner (500 000 x 80 prosent), medan andre kjøpskostnader blir auka med 8 000 kroner (10 000 x 80 prosent).

**) Påkostnaden vart gjennomført i 1985, og satsen for oppregulering for dette året er 28 prosent. Det fører til at påkostnadene blir auka med 14 000 kroner (50 000 x 28 prosent).

Gevinsten på 43 000 kroner blir oppgitt i skattemeldinga for salsåret og blir skattlagd som alminneleg inntekt med 22 prosent, som gir ein skatt på gevinsten i dette dømet på 9 460 kroner.