Formuesverdi av tomt og festa tomt

Viss du eig eller festar ei tomt ved utgangen av inntektsåret, skal tomta ha ein formuesverdi i skattemeldinga di. Her får du informasjon om kva du må gjere om noko manglar eller skal endrast.

Er du grunneigar og festar bort ei tomt, gjeld eigne reglar.

Formuesverdi

For tomter er formuesverdien 80 prosent av anten kostprisen eller marknadsverdien. Ein tidlegare fastsett formuesverdi kan førast vidare til ein ny eigar.

Dette gjeld for deg som

  • eig ei tomt 
  • festar ei tomt
  • er grunneigar og festar bort ei tomt

Dette må du gjere

Manglar det opplysningar i skattemeldinga?

Du må logge inn i skattemeldinga og leggje til informasjon om tomta viss dette ikkje er førehandsutfylt i skattemeldinga.

Viss formuesverdien manglar eller er for høg

Du kan sjølv endre skattemeldinga og leggje inn opplysningar om marknadsverdien på tomta. Det er ikkje krav til takst, men du må kunne gjere greie for korleis du har komme fram til marknadsverdien dersom vi ber deg om det. I skattemeldinga blir formuesverdien automatisk rekna til 80 prosent av marknadsverdien.

Viss tomta tidlegare har hatt ein formuesverdi, har du rett til å føre han vidare. Til dømes kan du vidareføre den tidlegare eigaren sin formuesverdi.  

Viss du har bygd ein bustad eller fritidsbustad på tomta

Viss du i løpet av året har bygd ein bustad eller fritidbustad på tomta, skal eigedommen ikkje lenger verdsetjast som ei tomt, men som ein bustad eller fritidseigedom. Viss bustaden eller fritidseigedommen ikkje er ferdig oppført ved utgangen av året, må du lese om formuesverdien på bustad og fritidseigedom under bygging.

Sjå informasjon om formuesverdi på

I skattemeldinga kan du krevje frådrag for den årlege festeavgifta du pliktar å betale. Dette er eit frådrag som reduserer den skattepliktige formuen din. Gjeldsfrådraget reknar du ut med å multiplisere den årlege festeavgifta med kapitaliseringsfaktoren 10.

Summen av gjeldsfrådraget legg du inn i skattemeldinga som ein del av gjelda di.

Døme: Utrekning av gjeldsfrådrag
Du betaler 10 000 kroner i årleg festeavgift på eigedommen din. I skattemeldinga kan du krevje gjeldsfrådrag for 100 000 kroner (10 000 x 10 (kapitaliseringsfaktoren) = 100 000)

Er det bygningar på tomta, skal formuesverdien setjast ut frå reglane som gjeld

Som grunneigar skal du ikkje formuesskattleggjast for tomteverdien, men for den kapitaliserte verdien av retten til å få ei årleg festeavgift. Denne verdien reknar du ut med å multiplisere den årlege festeavgifta med  kapitaliseringsfaktoren 10. Beløpet skal leggjast til som ein del av formuen din.

Du må logge inn i skattemeldinga og leggje inn verdien av den kapitaliserte festeavgifta.

Du får ei årleg festeavgift på 30 000 kroner. Som bortfestaren, skal du føre opp ein formuesverdi knytt til retten til å krevje ei årleg festeavgift. 

Formuesverdien reknar du ut med å multiplisere den årlege festeavgifta med 10 (30 000 kroner x 10 = 300 000). Du må leggje inn beløpet 300 000 kroner som formue i skattemeldinga. 

Sjekk skattemeldinga di

Du må sjekke at den same tomta ikkje står oppført med formuesverdi i skattemeldinga. Er heile eigedommen festa bort, skal du slette formuesverdien som eventuelt står oppført på denne eigedommen i skattemeldinga.

Er derimot berre ein del av eigedommen festa bort, skal formuesverdien reduserast forholdsmessig.

Spesielt når du har

Dersom du har ein fritidsbustad i eit bustadsameige og bygningen ligg på festa grunn, er gjeldsfrådraget førehandsutfylt hvis bustadsameiget har sendt opplysningar til Skatteetaten.

Du må sjølv auke formuesverdien i skattemeldinga hvis tillegget for tomt ikkje har komme med i den førehandsutfylte formuesverdien.

 

Viss du er andelshavar i eit bustadselskap som har fritidsbustader på festa grunn, skal bustadselskapet rapportere inn andelen din av gjeldsfrådraget og formuesverdien slik at dette blir førehandsutfylt i skattemeldinga di.

 

Festekontraktar til næringseigedom er ofte tidsavgrensa, og du som festar blir ikkje rekna som eigaren av tomta. Det er den som bortfestar (grunneigaren) som skal formuesskattleggjast for 80 prosent av marknadsverdien av tomta.

 

Eigarskifte

Tinglysing sikrar rettsvern for deg som eigar. Det betyr at andre ikkje kan ta pant i, eller selje tomta di utan heimel i lov. Du pliktar ikkje å tinglyse tomta.

Viss du tinglyser eit eigarskifte hos Kartverket, får Skatteetaten automatisk informasjon om dei tinglyste eigarforholda, og vi kan førehandsutfylle eigedommen i skattemeldinga til den rette eigaren.

Ikkje tinglyse eigarskiftet?

Viss du vel å ikkje tinglyse eigarskiftet, må du sende inn dokumentasjon på eigarforholda.

Dokumentasjonen må innehalde informasjon om  
  • kva eigedom det gjeld
  • frå kva dato eigarforholdet gjeld
  • beløp som eventuelt er betalt for eigedommen 
  • dato og underskrift av alle partar 

Du kan sende inn dokumentasjonen så snart salet eller overdraginga er gjennomført. Du kan også logge inn i skattemeldinga, endre eigarforholdet og leggje til dokumentasjonen.