Rekne ut formuesverdien og den berekna marknadsverdien på bustaden din
Her kan du rekne ut formuesverdien på bustaden din for 2024. Det er dei opplysningane du tidlegare har sendt til Skatteetaten som dannar grunnlaget for formuesverdien som blir førehandsutfylt i skattemeldinga.
Alle felt må fylles ut.
Kalkulatoren reknar ut formuesverdien av primær- eller sekundærbustader, og han blir oppdatert kvart år i slutten av januar.
Bustadkalkulatorar for tidlegare år
Treng du å rekne ut formuesverdien av bustaden din for tidlegare år, finn du kalkulatorane her:
- Bustadkalkulator 2023
- Bustadkalkulator 2022
- Bustadkalkulator 2021
- Bustadkalkulator 2020
- Bustadkalkulator 2019
Det er den berekna marknadsverdien på bustaden din som blir brukt som grunnlag for berekninga av eigedomsskatten.
Grunnlaget blir henta frå den siste fastsetjinga av formues- og inntektsskatt. Det betyr at det er tala frå 2023 som ligg til grunn for eigedomsskatten som er skrive ut i 2025.
Her finn du kalkulatoren for 2023.
Har du dokumentert ein lågare marknadsverdi, eller du har brukt ein prisjustert 2019-verdi, er det desse verdiane som ligg til grunn for berekninga av eigedomsskatten.
Dersom meir enn halvparten av eigedomsarealet blir brukt til bustadføremål, medrekna areal som blir leigd ut til bustad i næringsverksemd, skal eigedommen verdsetjast etter reglane for bustadeigedommar. Du skal då bruke bustadkalkulatoren.
Du skal bruke kalkulatoren for utrekning av formuesverdi på næringseigedommen din, når du bruker meir enn halvparten av eigedomsarealet i di eiga næringsverksemd.