Viktig informasjon
Det du ser på denne siden er en test-versjon. Denne er under arbeid, og testes og kvalitetssikres nå internt i Skatteetaten.
Eigedomsskatt i bustadselskap
Her finn du informasjon om korleis grunnlaget for utskriven eigedomsskatt i bustadselskap kan endrast.
Viktig informasjon
Viss kommunen bruker Skatteetaten sin berekna marknadsverdi som grunnlag for utskrivinga av eigedomsskatten, kjem opplysningane frå skattemeldinga til kvar enkelt andelseigar.
Grunnlaget for eigedomsskatten i 2025 er henta frå skattemeldinga for 2023.
Kommunen kan bruke eiga taksering eller Skatteetaten sine berekna marknadsverdiar for bustadeigedommar som grunnlag for å skrive ut eigedomsskatten.
Berekna marknadsverdi er anten ein verdi basert på statistikk frå SSB (bustadverdi), eller ein verdi basert på dokumentert marknadsverdi (i dei tilfella der eigar av eigedommen har kravd å få formuesverdien sett ned).
Bustadselskap blir brukt som ei fellesnemning på burettslag og bustadaksjeselskap.
Bustadselskapet er ansvarleg
Bustadselskapet er, som eigar av eigedommen, ansvarleg for eigedomsskatten og får ei samla rekning for heile selskapet.
Korleis kostnaden blir fordelt på kvar enkelt andelseigar, kjem an på vedtektene og føresegnene i det aktuelle burettslaget/bustadaksjeselskapet. Vanlegvis blir kostnadene fordelte etter ein fordelingsnøkkel basert på forholdet mellom verdiane på dei ulike bueiningane.
Slik kan grunnlaget for eigedomsskatt endrast
Du må klage til kommunen der eigedommen ligg for å få endra grunnlaget for eigedomsskatt.
Om du har spørsmål knytte til nedsetting og/eller ettergiving av eigedomsskatt, må du ta kontakt med kommunen.
Endring av grunnlaget må skje gjennom Skatteetaten. Dette kan gjerast på to måtar:
- Den enkelte andelseigaren kan sjølv endre opplysningar om bustaden i skattemeldinga si. For å endre grunnlaget for eigedomsskatt skriven ut i 2023 må du endre skattemeldinga for 2021.
- Bustadselskapet kan sende klage til Skatteetaten.
Bustadselskapet har rett til å klage på skattefastsettinga til den enkelte andelseigaren som har betydning for eigedomsskatten.
På nettsidene til Brønnøysundregistera står det kven som kan signere klagen eller gi fullmakt til å klage på vegner av bustadselskapet. Det er vanlegvis styret, forretningsførar eller advokat som klagar på vegner av burettslaget/bustadaksjeselskapet, men ein andelseigar kan også ved fullmakt klage på vegner av styret.
Bustadselskapet må sende ein skriftleg klage til Skatteetaten. Han kan sendast elektronisk, men det finst ikkje eit eige skjema for denne typen klagar.
To grunnar til at Skatteetaten sin bustadverdi kan vere for høg
Berekna marknadsverdi for ein bustad basert på statistikk frå SSB (bustadverdi), kan vere for høg dersom:
Viss bustadopplysningane om p-rom, byggjeår eller bustadtype er feil, kan det ha noko å seie for grunnlaget for eigedomsskatten.
Eigedomsskatten som blir skriven ut i 2025, baserer seg på opplysningane i skattemeldinga til kvar av andelseigarane for inntektsåret 2023.
Det er fastsett visse grenser for kor høg formuesverdien kan vere samanlikna med den reelle marknadsverdien. Ei eventuell nedjustering av formuesverdien vil få betydning for den berekna marknadsverdien til bueininga, og med det også for utskriving av eigedomsskatten.
For å finne ut om du har rett til å setje ned marknadsverdien må du samanlikne dokumentert marknadsverdi med berekna marknadsverdi for bustaden for det inntektsåret grunnlaget er henta frå.
For eigedomsskatt skriven ut i 2023 er det grensene som gjaldt for inntektsåret 2021 som er aktuelle:
Primærbustad
For bustaden som andelshavaren eig og budde i ved utgangen av det aktuelle inntektsåret (primærbustad), skal formuesverdien ikkje utgjere meir enn 25 prosent av den dokumenterte marknadsverdien.
Grunnlag for eigedomsskatt i 2023
Frå og med inntektsåret 2021 er det tilstrekkeleg å dokumentere ein lågare marknadsverdi enn den berekna marknadsverdien for å få formuesverdien sett ned.
For eigedomsskatt skriven ut i 2022 gjeld følgjande:
For bustaden som andelshavaren eig og budde i ved utgangen av 2020 (primærbustad), skal formuesverdien ikkje utgjere meir enn 30 prosent av den dokumenterte marknadsverdien.
Den berekna marknadsverdien for bueininga for inntektsåret 2020 er 4 000 000 kroner og formuesverdien er 1 000 000 kroner.
Bueininga blir seld for 3 000 000 kroner (2 500 000 kroner + fellesgjeld på 500 000 kroner) i 2021.
Med ein kjøpesum på 3 000 000 kroner blir 30 prosent av den dokumenterte marknadsverdien 900 000 kroner.
Ettersom 900 000 kroner er lågare enn formuesverdien på 1 000 000 kroner, har du rett til å få eigedomsskattegrunnlaget sett ned til kjøpesummen på 3 000 000 kroner.
Den berekna marknadsverdien for bueininga for inntektsåret 2020 er 4 000 000 kroner og formuesverdien er 1 000 000 kroner.
Bueininga blir seld for 3 500 000 kroner (3 000 000 kroner + fellesgjeld på 500 000 kroner) i 2021.
Med ein kjøpesum på 3 500 000 kroner blir 30 prosent av den dokumenterte marknadsverdien 1 050 000 kroner.
Ettersom 1 050 000 kroner er høgare enn formuesverdien på 1 000 000 kroner, har du ikkje rett til å få sett ned grunnlaget for eigedomsskatten.
Sekundærbustad
For ein bustad som andelshavaren eig, men ikkje budde i ved utgangen av inntektsåret (sekundærbustad), skal formuesverdien ikkje overstige 90 prosent av den dokumenterte omsetningsverdien av eigedommen.
For ein bustad som andelshavaren eig, men ikkje budde i ved utgangen av inntektsåret (sekundærbustad), skal formuesverdien ikkje overstige den dokumenterte omsetningsverdien av eigedommen.
Den berekna marknadsverdien for bueininga for inntektsåret 2020 er 4 000 000 kroner og formuesverdien er 3 600 000 kroner.
Bueininga blir seld for 3 500 000 kroner (3 000 000 kroner + fellesgjeld på 500 000 kroner) i 2021.
Ettersom kjøpesummen på 3 500 000 kroner er lågare enn formuesverdien på 3 600 000 kroner, har du rett til å få sett ned grunnlaget for eigedomsskatten til kjøpesummen på 3 500 000 kroner.
Den berekna marknadsverdi for bueininga for inntektsåret 2020 er 4 000 000 kroner og formuesverdien er 3 600 000 kroner.
Bueininga blir seld for 3 700 000 kroner (3 200 000 kroner + fellesgjeld på 500 000 kroner) i 2021.
Ettersom kjøpesummen på 3 700 000 kroner er høgare enn formuesverdien på 3 600 000 kroner, har du ikkje rett til å få sett ned grunnlaget for eigedomsskatten.
Grunnlaget for eigedomsskatt i 2023
Frå og med inntektsåret 2021 er det tilstrekkeleg å dokumentere ein lågare marknadsverdi enn den berekna marknadsverdien, for å få formuesverdien sett ned.
Klage
Ein klage frå bustadselskapet må vere grunngitt.
- kva år (eitt eller fleire) klagen gjeld, og tidspunktet bustadselskapet fekk eigedomsskattesetelen
- kva bueiningar som har for høgt grunnlag for eigedomsskatt
- Dersom bustadselskapet meiner eigedomsskattegrunnlaget byggjer på feil bustadopplysningar (p-rom, byggjeår eller bustadtype), må bustadselskapet sannsynliggjere kva som er korrekte bustadopplysningar for dei enkelte bueiningane.
- Dersom bustadselskapet meiner at eigedomsskattegrunnlaget er for høgt samanlikna med reell marknadsverdi, må bustadselskapet dokumentere marknadsverdien for dei enkelte bueiningane.
- Slik dokumentasjon kan vere takst/verdivurdering, salssum for den enkelte bueininga eller salssum for tilnærma lik bustad i same område.
Salssum inkluderer bueininga sin del av fellesgjeld på salstidspunktet.
Dersom bustadselskapet viser til salssum for ein tilnærma lik bustad i same område, må bustadselskapet sannsynleggjere at bustadene har tilsvarande p-rom, byggjeår og bustadtype, i tillegg til at standard og andre tilhøve som påverkar marknadsverdien bør vere like.
Dersom klagen frå bustadselskapet heilt eller delvis fører fram, vil Skatteetaten varsle dei andelseigarane som får endra skattefastsettinga si.
Gjeld for deg som
- har rett eller fullmakt til å klage på eigedomsskatten på vegner av heile bustadselskapet. Informasjon om kven som kan signere klagen eller gi fullmakt til å klage på vegner av bustadselskapet, finn du hos Brønnøysundregistera.
Er du andelseigar og vil endre grunnlaget for eigedomsskatten i skattemeldinga di?
Dette må du gjere
Det er to måtar å endre grunnlaget på når kommunen bruker Skatteetaten sin berekna marknadsverdi som grunnlag for utskrivinga av eigedomsskatten.
Andelseigaren kan sjølv endre opplysningane i skattemeldinga om
- bustadtype
- p-rom
- byggjeår
Viss den berekna marknadsverdien er for høg, kan kvar enkelt andelseigar krevje at bustaden blir verdsett etter den dokumenterte marknadsverdien. Andelseigaren må sjølv endre opplysningane i skattemeldinga og leggje inn marknadsverdien som bustaden er verdsett til.
Om andelseigaren endrar opplysningane i skattemeldinga, går det ofte raskare å endre grunnlaget for eigedomsskatten enn om bustadselskapet klagar.
Endre grunnlaget for utskriven eigedomsskatt i 2025?
Då er det skattemeldinga for 2023 som må endrast.
Endre grunnlaget for utskriven eigedomsskatt i 2024?
Då er det skattemeldinga for 2022 som må endrast.
Kommunen vil få eit nytt grunnlag for å berekne eigedomsskatten etter at endringa er gjennomført.
Bustadselskapet kan sende ein klage til Skatteetaten på skattefastsetjinga til kvar enkelt andelseigar viss fastsetjinga har noko å seie for eigedomsskatten.
Kven som kan signere klagen, eller gi fullmakt til å klage på vegner av bustadselskapet, finn du informasjon om hos
Bustadselskapet må sende ein skriftleg klage til Skatteetaten. Det finst ikkje eit eige skjema for denne typen klage.
Klagen må grunngivast og innehalde informasjon om
- kva år klagen gjeld for
- tidspunktet bustadselskapet fekk eigedomsskattesetelen
- kopi av eigedomsskattesetelen
- kva bueiningar som har for høgt grunnlag for eigedomsskatt
- Dersom grunnlaget er basert på feil p-rom, byggjeår eller bustadtype, må bustadselskapet sannsynleggjere kva som er korrekt informasjon om kvar enkelt bueining.
- Dersom grunnlaget er for høgt, må bustadselskapet dokumentere marknadsverdien for kvar enkelt bueining. Det er ikkje tilstrekkeleg å vise til ein generell marknadsverdi for bustader i området.
Dokumentasjonen må vere frå etter 1. juli i det inntektsåret du krev nedsetjing for.
Den som har taksert eller gitt ei verdivurdering av bustaden din, skal ha sett bustaden både innvendig og utvendig.
Gyldig dokumentasjon er:
- takst som er gitt av kvalifisert takstmann
- verdivurdering som er gitt av ein eigedomsmeklar som har kjennskap til området der bustaden ligg
- observerbar marknadsverdi – det den aktuelle bustaden eller ein tilnærma lik bustad i det same området er seld for. Dokumentasjon på observerbar marknadsverdi kan vere kjøpekontrakt eller liknande der salssummen kjem fram. Med tilnærma lik bustad siktar ein til ein bustad med same planløysing, storleik, standard, utsikt, lyd- og lysforhold. Det er ikkje nok å berre vise til ein generell marknadsverdi for bustader i området.
Eventuell del av fellesgjeld som bustaden har på salstidspunktet skal inkluderast i den dokumenterte marknadsverdien.
Viss klagen til bustadselskapet heilt eller delvis fører fram, vil vi varsle dei andelseigarane som får endra skattefastsetjinga.
Kommunen vil få eit nytt grunnlag for å berekne eigedomsskatten etter at endringa er gjennomført.
Viktig informasjon
Eigedomsskatten må betalast innan forfallsdatoen sjølv om bustadselskapet har sendt inn ein klage.
Spesielt for deg som
Kommunar som har eigedomsskatt, kan velje å bruke Skatteetaten sin berekna marknadsverdi for bustad, eller dei kan taksere bustadene sjølve.
- Du kan sjekke eigedomsskattesetelen.
- Du kan gå inn på nettsida til kommunen for å sjekke kvar grunnlaget for eigedomsskatten blir henta frå.
Viss kommunen ikkje bruker grunnlaget frå Skatteetaten, må du klage til kommunen.
Viss du har spørsmål om nedsetjing eller ettergiving av eigedomsskatt, må du kontakte kommunen.
Den berekna marknadsverdien kjem frå skattemeldinga til kvar enkelt andelseigar
Vi bereknar ein marknadsverdi som er basert på opplysningar frå Statistisk sentralbyrå om omsette bustader. I berekninga blir det tatt omsyn til området og plasseringa på bustaden, p-rom, byggjeår og bustadtype.
Viss eigaren av bustaden har kravd formuesverdien nedsett basert på ein dokumentert marknadsverdi, er det den dokumenterte marknadsverdien som blir vist som den berekna marknadsverdien på bustaden i skattemeldinga. Den dokumenterte marknadsverdien blir justert årleg i takt med prisutviklinga.
Den berekna marknadsverdien for ein bustad basert på statistikk frå Statistisk sentralbyrå, kan vere for høg dersom:
Viss bustadopplysningane om p-rom, byggjeår eller bustadtype er feil, kan det ha noko å seie for grunnlaget for eigedomsskatten.
Eigedomsskatten som blir skriven ut i 2025, baserer seg på opplysningane i skattemeldinga til kvar av andelseigarane for inntektsåret 2023.
Viss den berekna marknadsverdien er for høg, kan det ha noko å seie for eigedomsskatten.
Eigedomsskatten som blir skriven ut i 2025, baserer seg på opplysningane i skattemeldinga til kvar av andelseigarane for inntektsåret 2023.
Bustadselskapet er ansvarleg for eigedomsskatten, og vil få ei samla rekning for heile selskapet.
Korleis kostnaden blir fordelt på kvar enkelt andelseigar kjem an på vedtektene og føresegnene i bustadselskapet. Normalt blir kostnadene fordelte etter ein fordelingsnøkkel basert på forholdet mellom verdiane på bueiningane.
Viss den berekna marknadsverdien på bustaden er for høg og omsetninga av bustaden er regulert, må du kunne dokumentere verdien ved hjelp av vedtekter eller annan dokumentasjon som stadfestar at omsetninga er regulert.
For prisregulerte bustader vil den dokumenterte marknadsverdien vere den vedtektsfesta maksprisen for bueininga per 31.12. i det året grunnlaget for eigedomsskatten blir frå henta. Den dokumenterte marknadsverdien skal inkludere bueininga sin andel av fellesgjelda.
I 2020 vart formuesverdien sett til 25 prosent av den berekna marknadsverdien for primærbustader og til 90 prosent av den berekna marknadsverdien for sekundærbustader. Viss ein eigar kravde bustaden verdsett etter dokumentert marknadsverdi, gjaldt det andre satsar.
For primærbustader vart formuesverdien sett til 30 prosent av den dokumenterte marknadsverdien.
For sekundærbustader vart formuesverdien sett til 100 prosent av den dokumenterte marknadsverdien.
Eigedomsskatten skriven ut i 2022, baserer seg på opplysningane i skattemeldingane til andelseigarane for inntektsåret 2020, og følgjer regelverket for 2020.
Primærbustad
For ein bustad som andelseigaren eigde og budde i ved utgangen av 2020, skal formuesverdien ikkje utgjere meir enn 30 prosent av den dokumenterte marknadsverdien.
Den berekna marknadsverdien for bueininga for inntektsåret 2020 er 4 000 000 kroner og formuesverdien er 1 000 000 kroner.
Bueininga blir seld for 3 000 000 kroner (2 500 000 kroner + fellesgjeld på 500 000 kroner) i 2021.
Med ein kjøpesum på 3 000 000 kroner blir 30 prosent av den dokumenterte marknadsverdien 900 000 kroner.
Ettersom 900 000 kroner er lågare enn formuesverdien på 1 000 000 kroner, har du rett til å få eigedomsskattegrunnlaget sett ned til kjøpesummen på 3 000 000 kroner.Den berekna marknadsverdien for bueininga for inntektsåret 2020 er 4 000 000 kroner og formuesverdien er 1 000 000 kroner.
Bueininga blir seld for 3 500 000 kroner (3 000 000 kroner + fellesgjeld på 500 000 kroner) i 2021.
Med ein kjøpesum på 3 500 000 kroner blir 30 prosent av den dokumenterte marknadsverdien 1 050 000 kroner.
Ettersom 1 050 000 kroner er høgare enn formuesverdien på 1 000 000 kroner, har du ikkje rett til å få sett ned grunnlaget for eigedomsskatten.
Sekundærbustad
For ein bustad som andelseigaren eigde, men ikkje budde i ved utgangen av inntektsåret (sekundærbustad), skal formuesverdien ikkje overstige 90 prosent av den dokumenterte omsetningsverdien av eigedommen.
Den berekna marknadsverdien for bueininga for inntektsåret 2020 er 4 000 000 kroner og formuesverdien er 3 600 000 kroner.
Bueininga blir seld for 3 500 000 kroner (3 000 000 kroner + fellesgjeld på 500 000 kroner) i 2021.
Ettersom kjøpesummen på 3 500 000 kroner er lågare enn formuesverdien på 3 600 000 kroner, har du rett til å få sett ned grunnlaget for eigedomsskatten til kjøpesummen på 3 500 000 kroner.Den berekna marknadsverdi for bueininga for inntektsåret 2020 er 4 000 000 kroner og formuesverdien er 3 600 000 kroner.
Bueininga blir seld for 3 700 000 kroner (3 200 000 kroner + fellesgjeld på 500 000 kroner) i 2021.
Ettersom kjøpesummen på 3 700 000 kroner er høgare enn formuesverdien på 3 600 000 kroner, har du ikkje rett til å få sett ned grunnlaget for eigedomsskatten.