Avgrensing av rentefrådrag

Renteavgrensingsregelen avgrensar frådraget for netto rentekostnader på nærare vilkår. Regelen omfattar både nasjonale og grensekryssande transaksjonar.

Endringar frå og med inntektsåret 2024

Kven gjeld dette for

Regelen er aktuell for desse selskapa:

  • aksjeselskap (AS) og andre selskap som blir behandla som eigne skattesubjekt
  • selskap med deltakarfastsetjing (SDF)
  • norsk-kontrollerte utanlandske selskap heimehøyrande i lågskatteland (NOKUS)
  • utanlandske selskap med ei avgrensa skatteplikt til Noreg og norske avdelingar av utanlandske føretak (NUF)
  • selskap innanfor reiarlagskatteordninga
  • kommunale, skattepliktige selskap organiserte som aksjeselskap

Desse selskapa er ikkje omfatta av renteavgrensingsregelen:



Selskapet skal fylle ut temaet "Avgrensing av rentefrådrag" ved leveringa av skattemeldinga dersom selskapet er

  • eit selskap i konsern, eller
  • eit selskap utanfor konsern, og selskapet
    • har netto rentekostnader som er høgare enn selskapsterskelen på 5 000 000 kroner, eller
    • har framførte renter frå tidlegare år

For SDF, NOKUS, NUF, selskap innanfor reiarlagskatteordninga og kraftføretak, sjå meir informasjon under punktet "Særleg om".

Alle opne opplysningsfelt under temaet "Avgrensing av rentefrådrag" må fyllast ut, med mindre noko anna går fram av rettleiinga.

Kva er renteavgrensingsregelen?

I utgangspunktet gir gjeldsrenter rett til frådrag, men renteavgrensingsregelen avgrensar frådraget etter nærare vilkår. Avskorne rentefrådrag kan framførast i ti år.   

Når ein skal berekne renteavgrensing, har det noko å seie om selskapet er eit "selskap i konsern" eller eit "selskap utanfor konsern" når det gjeld

  • kva terskelbeløp som gjeld og
  • kva renter som kan bli avskorne

Omgrepa i renteavgrensingsregelen som "selskap i konsern", "selskap utanfor konsern", "netto rentekostnader" og "selskapsterskel" er samla i punktet "Definisjonar av viktige omgrep".

Figuren nedanfor illustrerer dei ulike "vegvala" i regelen:

Figur som illustrerer rentebegrensning hovedregel.


Rettleiinga gjeld for inntektsåret 2024.

Endringar for tidlegare år

Det har vore nokre regelendringar frå og med inntektsåret 2024. For dei delane av rettleiinga nemner vi ogsa kva som gjaldt for dei tidlegare inntektsåra 2019 til 2023.

Dersom selskapet skal endre skattemeldinga for inntektsåret 2022 eller tidlegare, bruk skjemaet RF-1315 med den tilhøyrande rettleiinga RF-1317.

Renteavgrensing for selskap utanfor konsern

"Selskap utanfor konsern" er omfatta av "EBITDA-regelen mellom nærståande".

Selskapet kan få avskore frådrag for renter på gjeld til nærståande partar, både selskap og/eller person. Renter til eksterne, ikkje-nærståande partar kan ikkje bli avskorne. Somme renter til ikkje-nærståande skal likevel omklassifiserast til nærståanderenter etter renteavgrensingsregelen. Sjå nærare om "nærståandeomgrepet" under punktet "Definisjonar av viktige omgrep".

Selskapet får avskore frådrag for andre nærståanderenter dersom dei skattemessig frådragsførte netto rentekostnadene overstig rentefrådragsramma og selskapsterskelen (5 000 000 kroner). Selskapet kan velje å ikkje frådragsføre heile eller delar av rentekostnadene slik at summen av dei netto rentekostnadene ikkje overstig selskapsterskelen. Rentekostnadene som selskapet ikkje frådragsfører, kan ikkje framførast til seinare inntektsår.

Viss netto rentekostnader er 5 000 000 kroner eller lågare, får selskapet ikkje avskore rentefrådrag. Selskapet treng då ikkje å gi opplysningar knytte til renteavgrensing, med mindre selskapet har framførte renter frå tidlegare år. Sjå eventuelt punktet "Framføring av avskorne rentefrådrag".

Berekninga av tillegg/frådrag i inntekt for selskapet tar utgangspunkt i denne berekninga:

Netto rentekostnad      (null viss netto renteinntekter)
- Rentefrådragsramma                                                              
= Differanse

Selskapet får tillegg i inntekt dersom dei netto rentekostnadene er høgare enn rentefrådragsramma. Tillegget blir berekna til det lågaste beløpet av differansen og "andre nærståanderenter". Sjå "Utvalde døme", nummer 1c.

Selskapet kan få frådrag i inntekta viss dei netto rentekostnadene er lågare enn rentefrådragsramma. Frådraget blir berekna til det lågaste av differansen og summen av framførte renter frå tidlegare år. Sjå "Utvalde døme", nummer 2. Dersom selskapet ikkje har framførte renter frå tidlegare år, kan ikkje den ledige kapasiteten i rentefrådragsramma brukast.

Uavhengig av om selskapet får tillegg eller frådrag i inntekta, kan selskapet også få frådrag for framførte renter før årets renter gjennom "ombyteregelen". Sjå "Utvalde døme", nummer 2 og 3. 

 

Renteavgrensing for selskap i konsern

"Selskap i konsern" kan få avskore frådrag for alle typar rentekostnader, både til nærståande og eksterne partar, men selskapet kan heilt eller delvis unngå avskjering på nærare vilkår.

Alle selskap i konsern skal gi fullstendige opplysningar knytte til renteavgrensinga, med mindre vilkåra for "forenkla rapporteringskrav" er oppfylte. Merk at desse vilkåra er endra frå og med inntektsåret 2024.

Følgjande omgrep er relevante for å vurdere om selskapet får tillegg eller frådrag i inntekta:

  • Selskapet sine "netto rentekostnader".
  • Dei samla rentene i "den norske delen av konsernet" i forhold til konsernterskelen på 25 000 000 kroner, målt ved utgangen av inntektsåret.
  • Om rentene er betalte til eller mottatte frå nærståande partar, og om tilfella der lån til eksterne likevel skal reknast som lån til nærståande partar.
  • Nærståandeomgrepet for selskap i konsern, under dette skilnaden mellom nærståande partar i det same konsernet og nærståande partar utanfor det same konsernet.
  • Kva som inngår i grunnlaget for rentefrådragsramma.
  • Bruk av unntaksregelen.

Utgangspunkt for berekninga av tillegg og frådrag:

  • Når dei samla netto rentekostnadene i den norske delen av konsernet overstig konsernterskelen på 25 000 000 kroner, er det to alternativ:
    • Selskapet kan få avskore alle typar renter ("hovudregelen for selskap i konsern").
    • Selskapet bruker unntaksregelen – og kan berre få avskore frådrag for renter til andre nærståande partar ("nærståanderegelen for selskap i konsern").
  • Når dei samla netto rentekostnadene i den norske delen av konsernet ikkje overstig konsernterskelen på 25 000 000 kroner, kan selskapet berre få avskore frådrag for renter til andre nærståande partar ("nærståanderegelen for selskap i konsern").

Selskapet kan velje å ikkje frådragsføre heile eller delar av rentekostnadene, slik at dei netto rentekostnadene ikkje overstig terskelverdiane. Rentekostnadene som selskapet ikkje frådragsfører kan ikkje framførast til frådrag seinare inntektsår.

Selskapet kan få avskore frådrag for renter på gjeld til alle partar, dette inkluderer renter til

  • eksterne partar,
  • nærståande partar i same konsern og
  • andre nærståande partar (andre nærståanderenter).

Utgangspunktet for berekninga av tillegg eller frådrag i inntekta for selskapet:

Netto rentekostnad (null viss netto renteinntekter)
– Rentefradragsramma                                                              
= Differanse

Dersom dei netto rentekostnadene er høgare enn rentefrådragsramma, får selskapet tillegg i inntekta berekna til det lågaste beløpet av "differanse" og "netto rentekostnad". Sjå "Utvalde døme", nummer 1b.

Viss rentefrådragsramma er høgare enn dei netto rentekostnadene, det vil seie negativ differanse, kan selskapet få frådrag i inntekta i år viss selskapet har "framførte renter frå tidlegare år".

I tillegg kan selskapet få frådrag for eventuelle framførte renter før årets renter gjennom "ombyteregelen", uavhengig av om dei netto rentekostnadene er høgare eller lågare enn rentefrådragsramma.  

Sjå punktet "Framføring av avskorne rentefrådrag" og "Utvalde døme", punkt 3 og 4b. 

Eit eventuelt tillegg eller frådrag i inntekta skal bereknast individuelt for selskapet, men berekninga av "samla renter i norsk del av konsern" må gjerast samla.

Sjå kva selskap som inngår i "norsk del av konsernet" i punktet "Konsernterskelen på 25 000 000 kroner og norsk del av konsern". Måletidspunktet er utgangen av inntektsåret.

Sjølv om selskapet inngår i eit konsern der dei samla rentene ikkje overstig konsernterskelen, kan selskapet få avskore frådrag for renter til nærståande partar utanfor same konsern. Sjå punktet "Nærståanderegelen for selskap i konsern".

Når dei samla rentene i den norske delen av konsernet ikkje overstig 25 000 000 kroner, må selskapet eller eit anna føretak i konsernet gi ei oversikt over dei samla rentene i den norske delen av konsernet.

Føretaket som rapporterer, må i feltgruppa "Selskap i norsk del av konsern" opplyse om organisasjonsnummera og føretaksnamna for alle selskapa i den norske delen av konsernet. I tillegg må føretaket opplyse om

  • totale netto rentekostnader for kvart selskap og
  • netto rentekostnader som er skattemessig frådragsførte for kvart selskap.

"Netto rentekostnader (frådragsførte)" svarer til det som kvart enkelt selskap ville oppgi som "netto rentekostnader" etter renteavgrensingsregelen.

Andre selskap skal berre opplyse om kva føretak som har rapportert dette, og ikkje gi opplysningane sjølve. Selskapet stadfestar samstundes at

  • oversikta over den norske delen av konsernet som er gitt av det andre føretaket, er korrekt
  • dei netto rentekostnadene for selskapet er rett oppgitt i oversikta gitt av det andre føretaket
  • dei samla frådragsførte netto rentekostnadene i den norske delen av konsernet ikkje overstig 25 000 000 kroner

Utgangspunktet er at alle "selskap i konsern" skal gi opplysningar i temakortet "Avgrensing av rentefrådrag", men det finst eitt unntak. 

For inntektsåret 2024

Viss alle fire vilkåra nedanfor er oppfylte, er det ikkje nødvendig å fylle ut opplysningar knytte til temaet "Avgrensing av rentefrådrag": 

  • Dei samla netto rentekostnadene i den norsk delen av konsernet overstig ikkje 25 000 000 kroner 
  • Dei netto rentekostnadene for selskapet tillagt brutto renteinntekter frå nærståande partar er 5 000 000 kroner eller lågare. 
     
    Netto rentekostnader 
    + Brutto renteinntekter frå nærståande partar  
    = Netto rentekostnader tillagt brutto renteinntekter frå nærståande partar 

    Sjå punktet om "Nærståandeomgrepet og renter til nærståande partar" for definisjon av kven som er nærståande partar. 
  • Eit anna føretak i den norske delen av konsernet rapporterer dei samla rentene ved å fylle ut "Selskap i norsk del av konsern". I denne oversikta må dei netto rentekostnadene spesifiserast for kvart av selskapa i den norske delen av konsernet. Netto renteinntekter visest med negativt forteikn. Summen av "Netto rentekostnader (frådragsførte)" i denne oversikta blir samanlikna med konsernterskelen på 25 000 000 kroner 
  • Selskapet har ikkje framførte renter frå tidlegare år 

Sjølv om eit selskap blir fritatt frå å gi opplysningar sjølv, er selskapet ansvarleg for at opplysningane knytte til konsernterskelen og eigne netto rentekostnader som er gitt av andre føretak, er korrekte. 

For inntektsåra 2019 til 2023

"Selskap i konsern" treng ikkje å fylle ut opplysningar knytte til temaet "Avgrensing av rentefrådrag" dersom alle vilkåra nedanfor er oppfylte: 

  • Dei samla netto rentekostnadene i den norske delen av konsernet overstig ikkje 25 000 000 kroner 
  • Dei netto rentekostnadene for selskapet er 5 000 000 kroner eller lågare. 
  • Eit anna føretak i den norske delen av konsernet rapporterer dei samla rentene ved å fylle ut "Selskap i norsk del av konsern". I denne oversikta må dei netto rentekostnadene spesifiserast for kvart av selskapa i den norske delen av konsernet. Netto renteinntekter visest med negativt forteikn. Summen av "Netto rentekostnader (frådragsførte)" i denne oversikta blir samanlikna med konsernterskelen på 25 000 000 kroner 
  • Selskapet har ikkje framførte renter frå tidlegare år 

Sjølv om eit selskap blir fritatt frå å gi opplysningar sjølv, er selskapet ansvarleg for at opplysningane knytte til konsernterskelen og eigne netto rentekostnader som er gitt av andre føretak, er korrekte.

Selskapet får fullt frådrag for renter til eksterne og nærståande partar i same konsern når dei samla netto rentekostnadene i den norske delen av konsernet ikkje overstig 25 000 000 kroner.

Dersom selskapet har "andre nærståanderenter", kan selskapet framleis få avskore rentefrådrag. Berekninga av tillegg i inntekt er endra frå inntektsåret 2024. Sjå nærare vilkår og skildring i punktet "Nærståanderegelen for selskap i konsern".

Sjølv om dei netto rentekostnadene til selskapet er høgare enn rentefrådragsramma, kan selskapet likevel få fullt frådrag for eksterne renter og renter til nærståande i same konsern, viss vilkåra for å bruke unntaksregelen er oppfylte.

Selskapet må levere dei pliktige opplysningane i kortet "Unntak for renteavgrensing" (sjå rettleiing om unntaksregelen) for at berekna tillegg i inntekt skal tilbakeførast. Revisoren i selskapet må stadfeste at vilkåra for å bruke unntaksregelen er oppfylte.

Dersom selskapet har "andre nærståanderenter", kan selskapet framleis få avskore rentefrådrag. Berekninga av tillegg i inntekt er endra frå inntektsåret 2024. Sjå nærare vilkår og skildring i punktet "Nærståanderegelen for selskap i konsern".

Nærståanderegelen for selskap i konsern

Selskap i konsern kan få fullt frådrag for dei netto rentekostnadene til eksterne partar og nærståande partar i same konsern på to måtar:

  • Selskapet dokumenterer at dei samla netto rentekostnadene i den norske delen av konsernet ikkje overstig 25 000 000 kroner (konsernterskel).
  • Selskapet bruker unntaksregelen med dei rapporterings- og revisjonspliktene som høyrer til.

Selskapet kan likevel få avskore frådrag for renter til nærståande partar utanfor same konsern ("andre nærståanderenter"). Under "Nærståandeomgrepet og renter til nærståande partar" finn du ei nærare skildring av kven som er nærståande partar utanfor same konsern.

Frå og med inntektsåret 2024 skal avskjering av andre nærståanderenter bereknast ved å bruke "korrigert rentestorleik". "Korrigert rentestorleik" bereknar ein slik:

Netto rentekostnader
+ Netto renteinntekt frå selskap i same konsern  (når renteinntektene er større enn rentekostnadene)
= Korrigert rentestorleik     

Når "korrigert rentestorleik" overstig selskapsterskelen på 5 000 000 kroner og rentefrådragsramma, bereknar ein tillegg i inntekt til det lågaste beløpet av "korrigert differanse" og "andre nærståanderenter". "Korrigert differanse" bereknar ein slik:

Korrigert rentestorleik      (null viss negativ)
- Rentefrådragsramma                                                          
= Korrigert differanse

Dersom selskapet får avskore frådrag for andre nærståanderenter fordi den korrigerte rentestorleiken er høgare enn rentefrådragsramma, får ikkje selskapet frådrag i inntekt sjølv om dei netto rentekostnadene er lågare enn rentefrådragsramma.

Dersom selskapet ikkje får avskore frådrag for andre nærståanderenter, må eit eventuelt frådrag bereknast i inntekta på den vanlege måten, sjå "Frådrag i årets inntekt" under "Framføring av avskorne rentefrådrag".

Meir informasjon og detaljar finst i Skatte-ABC under emnet R-11-6.2 Selskap i konsern som har rentekostnader på gjeld til nærstående utenfor konsernet og lovførearbeida i Prop. 1. LS (2023-2024) punkt 5.5.3.

Sjølv om selskapet får avskore rentefrådrag, kan selskapet få frådrag for framførte renter før årets renter gjennom "ombyteregelen".

For at selskapet skal få avskore rentefrådrag, må dei netto rentekostnadene overstige selskapsterskelen på 5 000 000 kroner og rentefrådragsramma.

Netto rentekostnad      (null om netto renteinntekter)
- Rentefrådragsramme                                                                
= Differanse

Tillegg i inntekt skal bereknast til det lågaste beløpet av differansen og selskapet sine "andre nærståanderenter".

Sjølv om selskapet får avskore rentefrådrag, kan selskapet få frådrag for framførte renter før årets renter gjennom "ombyteregelen".

Framføring av avskorne rentefrådrag

Dersom selskapet har avskorne rentefrådrag framført frå tidlegare år, skal de opplyse om dette under "Framføring av rentefrådrag som er avskore", og fordel dei framførte rentene på dei eller det inntektsåret rentefrådraget vart avskore. Beløpa må hentast frå skattemeldinga frå fjoråret.

Eit avskore rentefrådrag kan framførast til frådrag i dei ti kommande inntektsåra.

Selskapet kan få frådrag for dei framførte rentene frå tidlegare år på to måtar: som frådrag i årets inntekt og/eller ombyting mot årets renter.

For "selskap utanfor konsern" eller selskap som følgjer "hovudregelen for selskap i konsern", får selskapet frådrag i inntekt for framførte renter frå tidlegare år dersom selskapet sin "netto rentekostnad" er lågare enn rentefrådragsramma, det vil seie at differansen er negativ.

Netto rentekostnad      (null om netto renteinntekter)
- Rentefrådragsramma                                                             
= Differanse

I så fall skal frådraget i inntekt bereknast til det lågaste beløpet av differansen, med motsett forteikn, og sum framførte renter frå tidlegare år.

"Årets frådrag i inntekt" blir overført til skattemeldinga/selskapsmeldinga og reduserer "Samla inntekt", eller aukar "Samla underskott".

Merk at selskap som får avskore frådrag for andre nærståanderenter etter "nærståanderegelen for selskap i konsern", ikkje får frådrag i inntekt sjølv om dei netto rentekostnadene er lågare enn rentefrådragsramma. Viss selskapet ikkje får avskore frådrag for andre nærståanderenter, skal eit eventuelt frådrag i inntekt bereknast som vist ovanfor.

Uavhengig av om selskapet får tillegg eller frådrag i inntekta, vil framførte renter komme til frådrag før årets netto rentekostnader gjennom "ombyteregelen". Årets rentekostnader som ikkje kjem til frådrag i år, skal framførast til frådrag i seinare inntektsår.

Framførte rentekostnader innanfor årets tillatne rentefrådrag
+ Årets tillegg i inntekt
- Årets frådrag i inntekt                                                             
= Årets rentekostnader som selskapet framfører til seinare år

Selskapet får frådrag for framførte renter "innanfor årets tillatne rentefrådrag", som blir berekna til "netto rentekostnad" fråtrekt "Årets tillegg i inntekt", alternativt lagt til "Årets frådrag i inntekt". Beløpet blir avgrensa til "Framførte renter frå tidlegare år". Sjå "Utvalde døme".

Framførte renter frå tidlegare år
- Årets bruk av framførte renter frå tidlegare år
+ Årets renter som skal framførast til seinare år                               
= Sum renter som skal framførast til seinare år

Renter som blir framførte til seinare år er ein skatteposisjon for selskapet. For SDF og NOKUS, sjå punktet "Særleg om" for rettleiing om framføring av avskore rentefrådrag og justering ved underskott.

Definisjonar av viktige omgrep

Selskapet informerer om kven som er det ultimate morselskapet både ved utgangen av året før inntektsåret, og ved utgangen av inntektsåret, i skattemeldinga/selskapsmeldinga under "Eigarskap".

Konserntilknytinga er utgangspunktet for å vurdere om selskapet er " eit "selskap i konsern", kva som er "norsk del av konsernet" og "nærståandeomgrepet".

Renteavgrensingsregelen har ein eigen definisjon av "selskap i konsern". Om eit selskap er eit "selskap i konsern" har hovudsakeleg betydning for

  • om renter til eksterne partar kan avskjerast og
  • kva terskelbeløp som gjeld

Eit selskap i konsern kan i tillegg bruke unntaksregelen for å unngå avskjering av rentefrådrag heilt eller delvis.

Selskap utanfor konsern

Eit selskap som ikkje oppfyller vilkåra for "selskap i konsern", er eit "selskap utanfor konsern" etter renteavgrensingsregelen.

Eit selskap som ved utgangen av året før inntektsåret verken inngår i ein konsernrekneskap utarbeidd etter eit akseptert rekneskapsspråk, eller kunne inngått i ein konsernrekneskap utarbeidd etter IFRS, er eit "selskap utanfor konsern" etter renteavgrensingsregelen.

Måletidspunktet "utgangen av året før inntektsåret" betyr at eit selskap som er selt ut av ein konsernstruktur i løpet av inntektsåret, framleis er eit "selskap i konsern"

Selskap i konsern

Eit "selskap i konsern" etter renteavgrensingsregelen er eit selskap som

  1. i rekneskapsåret før inntektsåret er konsolidert linje for linje i den utgåande balansen i ein konsernrekneskap, utarbeidd etter eit av dei aksepterte rekneskapsspråka.
  2. i rekneskapsåret før inntektsåret kunne ha vore konsolidert linje for linje i den utgåande balansen i ein konsernrekneskap dersom International Financial Reporting Standards (IFRS) hadde vore brukt.
  3. er stifta i inntektsåret, når vilkåra i punkt 1 eller 2 over er oppfylte på stiftingstidspunktet.

Måletidspunktet er utgangen av rekneskapsåret før inntektsåret, med mindre selskapet er stifta i inntektsåret.

Eit selskap som er selt ut av ein konsernstruktur i løpet av inntektsåret er  framleis eit "selskap i konsern" etter renteavgrensingsregelen.

Det er to terskelbeløp i renteavgrensingsregelen:

Terskelbeløpet gjeld selskapet sine eigne netto rentekostnader.

Selskap utanfor konsern kan få eit avskore rentefrådrag når dei netto rentekostnadene til selskapet overstig selskapsterskelen.

For selskap i konsern er selskapsterskelen berre aktuell anten der selskapet bruker unntaksregelen, eller der dei samla rentene i den norske delen av konsernet ikkje overstig konsernterskelen. Selskapet kan få eit avskore frådrag for andre nærståanderenter etter "nærståanderegelen for selskap i konsern" dersom dei netto rentekostnadene til selskapet er høgare enn selskapsterskelen.

Eit selskap i konsern må forhalde seg til både selskapsterskelen og konsernterskelen.

Det er konsernstrukturen ved utgangen av inntektsåret som er utgangspunktet for vurderinga av om dei samla netto rentekostnadene for den norske delen av konsernet overstig konsernterskelen.

Den norske delen av konsernet inkluderer selskap som kunne ha vore konsolidert linje for linje i ein konsernrekneskap i den utgåande balansen i inntektsåret viss IFRS hadde vore brukt. Sjå Skatte-ABC R-11-6.2 Nærmere om den norske delen av konsernet.

Merk at definisjonen av "norsk del av konsern" ved bruk av unntaksregelen er annleis.

For meir informasjon, sjå Skatte-ABC under emnet R-11-6 Nedre grense for netto rentekostnader (terskelbeløp), under dette R-11-6.1 Generelt

Netto rentekostnader er alle dei skattemessig frådragsførte rentekostnadene, sjå skattelova § 6-40, fråtrekt renteinntektene, sjå skattelova §§ 5-1 og 5-20 første ledd bokstav b, innanfor det alminnelege skatterettslege renteomgrepet, under dette under- og overkurs ved låneopptak. Netto rentekostnader inkluderer rentebetalingar til partar i same konsern, til andre nærståande partar og til uavhengige, det vil seie eksterne renter.

For at ein kostnad skal reknast som ei rente, må kostnaden ut frå dei økonomiske realitetane vere ei yting som er eit vederlag for kreditten til skattytaren. Desse momenta er relevante i vurderinga:

  • Ligg det føre eit gjeldsforhold?
  • Kva ytingar til långivaren er vederlag for kredittytinga?
  • Kva ytingar til andre enn långivaren er vederlag for kredittytinga?

Skattemessige renter kan omfatte renter som ikkje inngår i "Finanspostar" i Næringsspesifikasjonen. Sjå nærare om kva renter som inngår i "renteomgrepet" etter renteavgrensingsregelen:

 

Å identifisere dei nærståande partane til selskapet har særleg betydning for avskjering av rentefrådrag i desse tilfella:

  • selskap utanfor konsern
  • selskap i konsern når
    • dei samla netto rentekostnadene ikkje overstig 25 000 000 kroner, eller
    • unntaksregelen blir brukt

Desse blir rekna som nærståande partar:

  • selskap som låntakaren, direkte eller indirekte, eig eller kontrollerer med minst 50 prosent
  • personar eller selskap som, direkte eller indirekte, eig eller kontrollerer låntakaren med minst 50 prosent
  • selskap som nærståande nemnt i andre strekpunkt, direkte eller indirekte, eig eller kontrollerer med minst 50 prosent
  • nærståande person nemnd i andre strekpunkt sine foreldre, søsken, barn, barnebarn, ektefelle, sambuar, ektefelle sine foreldre, sambuar sine foreldre, og dessutan selskap som desse, direkte eller indirekte, eig eller kontrollerer med minst 50 prosent

Sjå nærmare omtale av nærståande partar i Skatte-ABC R-11-8 Nærstående.

Ekstern gjeld kan reknast som gjeld til ein nærståande part, sjå Skatte-ABC R-11-9 Gjeld som likestilles med gjeld tatt opp hos nærstående.

For selskap med deltakarfastsetjing der ein nærståande deltakar er solidarisk ansvarleg for forpliktingane til selskapet (ANS), jf. selskapslova § 2-4, skal dei samla rentene på lån frå ein ikkje-nærståande part til selskapet med deltakarfastsetjing omklassifiserast til nærståanderenter etter renteavgrensingsregelen. Sjå fråsegna frå Finansdepartementet 10. juni 2014.

For selskap med deltakarfastsetjing der ein nærståande deltakar heftar for ein del av forpliktingane til selskapet (delt ansvar (DA) med proratarisk ansvar), jf. selskapslova § 2-4 tredje ledd, skal renter på lån frå ein ikkje-nærståande part til selskapet med deltakarfastsetjing omklassifiserast til nærståanderenter etter renteavgrensingsregelen, men avgrensa til den delen av rentene som svarer til den brøkdelen som den nærståande deltakaren heftar for. Sjå fråsegna frå Finansdepartementets 4. juli 2014.

I eit indre selskap blir normalt hovudmannen, gjennom ansvaret sitt, rekna som å ha stilt trygd for gjelda. Sjå fråsegna frå Finansdepartementets 8. mars 2016.

Selskapet kan få avskore frådrag for netto rentekostnader til nærståande partar utanfor same konsern ("andre nærståanderenter") dersom selskapet bruker unntaksregelen, eller dei samla rentene i den norske delen av konsernet ikkje overstig 25 000 000 kroner (konsernterskel). Sjå punktet "Nærståanderegelen for selskap i konsern".

Det er viktig å identifisere nærståande partar og kva som er renter til nærståande partar i og utanfor same konsern. Dette omfattar også renter på gjeld til eksterne partar, som ein nærståande part har stilt sikkerheit for.

Nærståande partar utanfor same konsern blir identifiserte slik:

  1. Når selskapet bruker unntaksregelen, betyr det at nærståande part ikkje er konsolidert linje for linje i konsernrekneskapen som blir brukt som grunnlag for berekninga av eigenkapitalandelen til konsernet.
  2. Når dei samla rentene i den norske delen av konsernet ikkje overstig 25 000 000 kroner og selskapet er konsolidert linje for linje i ein konsernrekneskap som kan brukast under unntaksregelen, betyr det at nærståande part ikkje er konsolidert linje for linje i denne konsernrekneskapen.  
  3. Når det ikkje ligg føre ein konsernrekneskap som oppfyller krava i unntaksregelen, betyr det at nærståande part for rekneskapsåret før inntektsåret ikkje kunne ha vore konsolidert linje for linje i den utgåande balansen i den same konsernrekneskapen som den skattepliktige dersom IFRS hadde vore brukt.

Ein nærståande part som i den utgåande balansen i inntektsåret er konsolidert linje for linje i ein konsernrekneskap der også den skattepliktige er konsolidert linje for linje, blir ikkje rekna som ein nærståande part utanfor same konsern. Dette er aktuelt der det har vore endringar i konsernstrukturen i løpet av inntektsåret.

Sjå døme i Skatte-ABC R-11-10 Særlig om nærstående part utenfor same konsern.

Rentefrådragsramma skal bereknast likt for selskap i og utanfor konsern, og utgjer 25 prosent av grunnlaget (skattemessig EBITDA).

Ei forenkla oversikt over kva som inngår i grunnlaget for rentefrådragsramma:  

Samla inntekt, eventuelt samla underskott
- gitt konsernbidrag
+ skattemessige avskrivingar
- direkte inntektsført vederlag
- frådrag for netto konsernbidrag som ikkje skal vere med i berekningsgrunnlaget
+ netto rentekostnader                                                                        
= grunnlag for rentefrådragsramma

Om SDF, NOKUS og reiarlag sjå punktet "Særleg om".

Dersom "Grunnlag for rentefrådragsramme" blir 0 kroner eller negativt, blir rentefrådragsramma sett til 0 kroner.

Frå og med inntektsåret 2024 skal konsernbidrag mottatt direkte eller indirekte frå følgjande selskap (her omtalt som "unntatte selskap") trekkjast ut av grunnlaget for rentefrådragsramma:

Viss slike "unntatte selskap" har ytt konsernbidrag, må selskapa i konsernet ha oversikt over kva selskap som er direkte og indirekte mottakarar av desse konsernbidraga, for å identifisere kvar konsernbidragskjede. Desse konsernbidragskjedene er grunnlaget for kor mykje kvart selskap må trekkje ut i berekninga av grunnlaget for rentefrådragsramma. Sjå meir informasjon under "Rapportering i skattemeldinga".

Selskapet identifiserer kvart av dei mottatte konsernbidraga og kor mykje av desse som er gitt vidare. Dermed blir "unnatekne konsernbidrag" berre trekt ut éin gong når det blir gitt konsernbidrag indirekte gjennom fleire selskap.

Sjå Skatte-ABC under emnet R-11-7-2 for skildring og fleire døme, særleg om konsernbidrag ved berekning av maksimalt rentefrådrag. Sjå FIN 20. desember 2023 om ny forskriftsføresegn og lovførearbeida i Prop. 1. LS (2023-2024) punkt 5.5.

Dette er aktuelt for alle selskap som har fått "unntatte konsernbidrag" (med skattemessig effekt), direkte eller indirekte, såframt dei er omfatta av renteavgrensingsregelen.

For å få rett grunnlag for rentefrådrag, må kvart selskap i berekninga av grunnlaget for rentefrådragsramma, rapportere kva for nokre "unnatatte konsernbidrag" som er mottatte, og kor mykje av desse som er gitt vidare, spesifisert på kvar direkte givar og direkte mottakar.

Eitt føretak kan rapportere kvar av konsernbidragskjedene frå opphavlege givarar til endelege mottakarar på vegner av resten av selskapa, såframt desse selskapa oppgir kva for eit føretak som har rapportert opplysningane.

Det rapporterande føretaket må opplyse om kvar konsernbidragskjede (med kvar sin konsernbidragskjedeindikator) som har kjelde i eit "unntatt selskap", og spesifisere alle konsernbidrag innanfor kvar kjede.

Kvart konsernbidrag som blir gitt frå eit "unntatt selskap", utgjer ei eiga konsernbidragskjede. Døme på kor mange kjeder:

  • Viss to "unntatte selskap" gir konsernbidrag til to ulike selskap, utgjer dette to kjeder.
  • Viss to "unntatte selskap" gir konsernbidrag til det same selskapet, utgjer dette også to kjeder.
  • Viss eitt "unntatte selskap" gir konsernbidrag til fire selskap, utgjer dette fire ulike kjeder.

Kvar kjede kan ha éin eller fleire konsernbidragstransaksjonar. Døme:

  • Viss petroleumsselskap P gir konsernbidrag til selskap D, som ikkje gir dette konsernbidraget vidare, har denne konsernbidragskjeda éin transaksjon.
  • Viss finansføretak F gir konsernbidrag til selskap A som gir heile eller delar av dette konsernbidraget vidare til B, har denne konsernbidragskjeda to transaksjonar.

Sjå døme på rapportering som viser kva val selskapa i eit dømekonsern har tatt, korleis eitt føretak rapporterer på vegner av resten og korleis kvart selskap trekkjer "unntatte konsernbidrag" (netto) ut av grunnlaget for rentefrådragramma.

Dersom ingen "unntatte selskap" har gitt konsernbidrag, er det ikkje noko som skal rapporterast. Det same gjeld om denne typen selskap ikkje finst i konsernet.

I berekninga av grunnlaget for rentefrådragsramma skal "Samla inntekt" eller "Samla underskott" frå skattemeldinga trekkjast frå konsernbidrag mottatt direkte frå selskap som bruker unntaksregelen, uavhengig av om:

  • skattytaren er eit selskap i konsern eller utanfor konsern,
  • om givaren av konsernbidraget bruker unntaksregelen på selskapsnivå eller nasjonalt nivå, eller om
  • skattytaren, det vil seie mottakaren av konsernbidraget, bruker unntaksregelen

Kostnadsfordeling er ikkje ei skattemessig avskriving, og skal ikkje auke grunnlaget for rentefrådragsramma.

Eit døme er periodisert leigekostnad ved påkosting av leigde bygg som inngår i sum lineære avskrivingar. Beløpet må trekkjast ut i berekninga.

  • "Årets bruk av framført underskott frå tidlegare år" i skattemeldinga reduserer "Samla inntekt" og dermed grunnlaget for rentefrådragsramma.
  • Samla inntekt etter bruk av framført underskott inngår i grunnlaget for rentefrådragsramma. "Tillegg i inntekt som følgje av renteavgrensing" skal ikkje avreknast mot "Underskott til framføring i inntekt".
  • Selskapet kan ikkje framføre ei ubrukt rentefrådragsramme eller ubrukt "Grunnlag for rentefrådragramme".
  • Skattefrie inntekter etter fritaksmetoden inngår ikkje i "Samla inntekt" og inngår derfor ikkje i rentefrådragsramma.
  • Det er berre mogleg å få skattemessige frådrag for gitte konsernbidrag som ligg innanfor alminneleg inntekt før "Tillegg i inntekt som følgje av renteavgrensing". "Tillegg i inntekt som følgje av renteavgrensing" gir ikkje grunnlag for å gi konsernbidrag til andre selskap.
  • For SDF og NOKUS kan grunnlaget "overskottet til selskapet/underskottet i selskapet" vere ulikt innanfor same selskap, ut frå kva type deltakarar selskapet har. Sjå meir under punktet "Særleg om" og "SDF, NOKUS og reiarlag".

Når dei netto rentekostnadene overstig rentefrådragsramma, kan eit "selskap i konsern" få avskore frådrag for alle typar renter etter hovudregelen. Gjennom å bruke unntaksregelen kan selskapet likevel få frådrag for eksterne renter og renter til nærståande partar i same konsern.

Unntaksregelen kan brukast dersom eigenkapitalandelen i Noreg, på selskapsnivå eller nasjonalt nivå, er lik eller høgare enn eigenkapitalandelen i konsernrekneskapen.

For at unntaksregelen skal leggjast til grunn ved skattefastsetjinga, må selskapet gi tilstrekkeleg med opplysningar knytte til "Unntak for renteavgrensing", og desse må godkjennast av revisor.

I rettleiinga Unntak for renteavgrensing blir det gitt utdjupande informasjon om unntaksregelen, berekning av eigenkapitalandelar og rapporterings- og dokumentasjonskrav.

Særleg om

Rentekostnader i eit selskap som blir skattlagt under reiarlagsordninga i skattelova § 8-10 flg. skal fordelast forholdsmessig mellom den rekneskapsmessige verdien av finansaktiva og realaktiva. Den delen av rentekostnadene som svarer til finanskapitalandelen kjem til frådrag.

Rentekostnader skal avkortast forholdsmessig før ein vurderer å avskjere rentekostnader etter renteavgrensingsregelen.

Rentefrådragsramma skal bereknast på grunnlag av den skattepliktige delen av inntektene til selskapet. Netto finansinntekt/finansunderskott og inntektsføring frå gevinstkonto (gevinst oppstått ved overgang frå ordinær skattlegging til reiarlagsskattlegging) skal inngå i grunnlaget for rentefrådragsramma.

SDF og NOKUS må fylle ut temaet "Reiarlagsskatteordning" dersom selskapet har deltakarar som blir skattlagde etter særreglane for reiarlag. Dersom selskapet har slike deltakarar, må det gjerast ei særskild fastsetjing for finansinntekt/-underskott i selskapsmeldinga. Dette kan føre til at SDF og NOKUS må rapportere meir enn éi utgåve av temaet "Avgrensing av rentefrådrag" fordi selskapet også har andre deltakarar, sjå punktet "Kor mange utgåver av temaet skal selskapet rapportere".

Konsernbidrag innan reiarlagsskatteordninga blir gitt utan skattemessig verknad, og det påverkar ikkje grunnlaget for rentefrådragsramma.

Utanlandske selskap med deltakarfastsetjing og NOKUS kan fylle ut beløpa i næringsspesifikasjonen i utanlandsk valuta.

I temaet "Avgrensning av rentefrådrag" må selskapa leggje inn beløpa i norske kroner. Bruk den same kursen det er opplyst om i næringsspesifikasjonen under "Verksemd" og feltet for valutakurs for omrekning.

For SDF og NOKUS skal framføringa av avskorne rentefrådrag gjennomførast av selskapet som om selskapet var skattytar. Framført avskore rentefrådrag vil utgjere ein eigen skatteposisjon for desse selskapa.

Inntekt/underskott før renteavgrensing                          -10 000 000
+ Årets tillegg i inntekt som følgje av renteavgrensing        6 000 000
= Samla overskott/underskott etter renteavgrensing   - 4 000 000

Dersom SDF/NOKUS har underskott etter at "Årets tillegg i inntekt som følgje av renteavgrensing" er lagt til, skal selskapet nedjustere andelen av årets rentekostnader som kan framførast til seinare inntektsår med -25 prosent av dette beløpet.

Framførte rentekostnader innanfor årets tillatne rentefrådrag                  0
+ Årets tillegg i inntekt                                                                6 000 000
- Årets frådrag i inntekt                                                                             0
- Justering for SDF/NOKUS som har underskott                     1 000 000
= Rentekostnadene i år som skal framførast til seinare år                   5 000 000

SDF leverer selskapsmelding. Dei skal ikkje fylle ut meir enn éi utgåve av temaet "Avgrensing av rentefrådrag" for kvart inntektsår, med mindre selskapet også fyller ut temaet "Reiarlagsskatteordning" fordi éin eller fleire deltakarar krev å bli skattlagde etter særreglane for reiarlag.

SDF med andre deltakarar må for kvart inntektsår fastsetje både

  • berekna næringsinntekt ifølgje næringsspesifikasjonen
  • samla finansinntekt, alternativt samla finansunderskott, ifølgje temaet "Reiarlagsskatteordning"

Dersom SDF-et har deltakarar som skal skattleggjast etter særreglane for reiarlag, kan dette føre til at selskapet må rapportere

  1. éi utgåve av temaet "Avgrensing av rentefrådrag" for ordinære deltakarar som skal tilordnast overskott/underskott, men inga utgåve for deltakarane som skal skattleggjast som reiarlag fordi terskelbeløpa i føresegna ikkje er overskridne for desse,
  2. temaet "Avgrensing av rentefrådrag" berre for deltakarar som skal skattleggjast som reiarlag, fordi selskapet i inntektsåret ikkje har hatt deltakarar som blir skattlagde ordinært, eller
  3. éi utgåve av temaet "Avgrensing av rentefrådrag" for deltakarane som skal skattleggjast som reiarlag, og ei anna utgåve for dei andre deltakarane i selskapet.

NOKUS leverer selskapsmelding. Dersom NOKUS-et har ulike grupper norske deltakarar, skal ein fastsetja følgjande kategoriar av skattemessig inntekt og overskott:

  • inntekt og underskott – for upersonlege deltakarar
  • inntekt reiarlag – for upersonlege deltakarar som blir skattlagde etter særreglane for reiarlag
  • inntekt personleg deltakar i NOKUS – for personlege deltakarar

Dersom NOKUS-et har ulike grupper norske deltakarar, kan dette føre til at selskapet må rapportere fleire utgåver av temaet "Avgrensing av rentefrådrag" for nettofastsetjinga til kvar gruppe. For kvar utgåve må selskapet vurdere om beløpet "Netto rentekostnader" overstig selskapsterskelen på 5 000 000 kroner.

Dersom ei deltakargruppe har netto rentekostnader som ikkje overstig 5 000 000 kroner, treng ikkje selskap utanfor konsern å levere temaet "Avgrensing av rentefrådrag” for denne gruppa.

Rentefrådragsramma for NOKUS bereknar ein på grunnlag av overskottet/underskottet til selskapet fastsett som om selskapet var skattytar. Det vil seie det den samla inntekta for selskapet ville utgjort samla for deltakarane etter skattelova § 10-65 før renteavgrensing. Underskottet til deltakarane frå tidlegare inntektsår påverkar ikkje rentefrådragsramma for selskapet. Grunnlaget for det skattemessige overskottet/underskottet til selskapet kan vere ulikt innanfor same selskap, ut frå kva type deltakarar selskapet har. 

Kraftføretak, jf. kapittel 18 i skattelova, er omfatta av renteavgrensingsregelen. Regelen omfattar grunnlaget for den alminnelege selskapsskatten, ikkje grunnlaget for grunnrenteinntekta.

Havbruksverksemd, jf. kapittel 19 i skattelvova, er omfatta av renteavgrensingsregelen i alminneleg inntekt. Finanskostnader gir ikkje rett til frådrag i grunnrenteinntekta.

Føretak som har avgrensa skatteplikt til Noreg etter skattelova § 2-3 eller petroleumsskattelova § 1 skal fastsetje rentekostnader til nærståande partar utanfor same konsern ("andre nærståanderenter") og nærståande partar i same konsern basert på eit sjablongmessig forholdstal.

Den samla gjelda i selskapet, ikkje berre gjelda til filialen, skal takast med i berekninga av forholdstala, berekna som eit gjennomsnitt av gjelda ved starten av inntektsåret og slutten av inntektsåret. Filialar med avvikande rekneskapsår bruker gjelda ved starten og slutten av rekneskapsåret i berekninga.

Selskapet skal tidsavgrense renter på same måte som når selskapet fyller ut "næringsspesifikasjonen". Det er berre rentekostnader som er komne på fram til slutten av rekneskapsåret som skal med.

Selskap som leverer skattemeldinga eller selskapsmeldinga for eit rekneskapsår som blir avslutta før utgangen av kalenderåret, skal opplyse om renteavgrensing for dette inntektsåret. Er rekneskapsåret til dømes frå 1. februar 2023 til 31. januar 2024, skal renteavgrensinga for inntektståret 2024 bereknast av rentekostnadene i heile tidsrommet frå 1. februar 2023 til 31. januar 2024.

Utvalde døme

Fristar

Rettskjelder

Oversikt over enkelte fråsegner på området: