Jordbruksfrådrag
Driv du jordbruk, gartneri eller hagebruk, kan du få jordbruksfrådrag. Jordbruksfrådraget reduserer den skattepliktige inntekta i jordbruksverksemda di.
Gjeld det meg?
Dersom du driv
- jordbruk
- gartneri
- hagebruk
- biehald (honningproduksjon)
- alpakkahald og/eller
- avl og oppdrett av hestar opp til to års alder med meir enn 50 prosent eigenprodusert fôr
som næringsverksemd i meir enn seks månader av inntektsåret, kan du ha rett til jordbruksfrådrag.
Inntekt frå skogbruk eller reindrift gir ikkje rett til jordbruksfrådrag.
Satsar og nøkkeltal
Dersom overskottet frå verksemda på gardsbruket er under 93 000 kroner, er jordbruksfrådraget det same som overskottet. Då blir den skattepliktige inntekta frå jordbruket 0 kroner.
Døme
Overskott 80 000 kroner
- jordbruksfrådrag 80 000 kroner
= skattepliktig inntekt 0 kroner
Dersom overskottet frå verksemda på gardsbruket er mellom 93 000 kroner og 361 421 kroner, er jordbruksfrådraget 93 000 kroner pluss 38 prosent av overskottet over 93 000 kroner.
Døme
Overskott 200 000 kroner
- jordbruksfrådrag (93 000 kroner + 133 660 kroner
38 % av 200 000 - 93 000)
= skattepliktig inntekt 66 340 kroner
Dersom overskottet frå verksemda i gardsbruket er over 361 421 kroner, er jordbruksfrådraget 195 000 kroner.
Maksgrensa for jordbruksfrådraget er 195 000 kroner.
Dette må du gjere
For å ha rett til jordbruksfrådrag, må du oppfylle desse to vilkåra:
Det betyr at viss du trekkjer kostnadene frå inntektene, må resultatet bli eit overskott for at du skal få jordbruksfrådrag.
Som hovudregel må du ha vore busett på den eigedommen du driv næringa frå i meir enn seks månader av inntektsåret.
Dersom det har vore eit generasjonsskifte på garden, og den eldre generasjonen framleis bur der, held det at du som tar over garden bur mindre enn 20 kilometer frå garden.
Det same gjeld ved utleige. Viss du leiger ein gard og bur i nærleiken fordi utleigaren framleis bur på garden, oppfyller du vilkåret viss du bur mindre enn 20 kilometer frå garden.
Du treng ikkje å eige garden. Du kan få jordbruksfrådrag viss du leiger garden du driv jordbruk på.
Jordbruksfrådraget blir berekna ut frå kor mykje du har i overskott i jordbruksverksemda, det vil seie alle inntektene minus alle kostnadene.
I grunnlaget for jordbruksfrådraget kan du også ta med:
Sjølv om jordbruksverksemda går med underskott, kan du få jordbruksfrådrag viss du har inntekter frå andre aktivitetar knytte til gardsbruket som gjer at den samla verksemda på gardsbruket går med overskott.
- sal av jord, sand, stein og torv
- sanking av bær, kongler, mose, tang, tare og liknande
- bruk av maskiner, reiskaper eller eigedelar på garden i oppdrag for andre
- utleige av bustader, driftsbygningar, jakt- og fiskerettar, mjølkekvotar, beiterettar, vegrettar og liknande
- utleige av éi til to hytter på gardsbruket. Utleige av tre eller fleire hytter er ei eiga næringsverksemd.
- bygsling av tomter, også når tomtene ligg i skog som er ei eiga verksemd
- produksjon av biobrensel eller ved
Viss du har inntekter frå produksjon av biobrensel eller ved, kan du velje å ta med desse i grunnlaget for jordbruksfrådraget. Biobrensel omfattar mellom anna planteprodukt, gjødsel, slakteavfall og trevirke som ved, flis, pellets og bork.
Du kan ta med inntektene frå produksjonen av biobrensel i grunnlaget for jordbruksfrådraget sjølv om produksjonen er ei eiga næringsverksemd og omsetninga er meir enn 30 000 kroner.
Viss du vel å ta med desse inntektene i grunnlaget for jordbruksfrådraget, er det 55 prosent av omsetninga (utan meirverdiavgift) du skal ta med i grunnlaget.
Du har 200 000 kroner i overskott i jordbruksverksemda. I tillegg leiger du ut tomter. Her har du eit overskott på 150 000 kroner.
Overskott i jordbruksverksemda 200 000 kroner
Overskott frå andre aktivitetar 150 000 kroner
Grunnlag for jordbruksfrådrag 350 000 kroner
Jordbruksfrådraget er 93 000 kroner pluss 38 % av overskottet over 93 000 kroner
93 000 kroner
+ 97 660 kroner (38 % av 350 000 - 93 000)
= 190 660 kroner
Du skal ikkje ta med inntekter frå aktivitetar som er ei eiga næringsverksemd. Du skal heller ikkje ta med inntekter frå sal av bygsla tomter som ligg i skog som er ei eiga verksemd.
Dersom du driv med andre aktivitetar som ikkje er knytte til jordbruksverksemda, kan du også ta med overskottet frå desse aktivitetane viss omsetninga er under 30 000 kroner.
Viss omsetninga er 30 000 kroner eller meir, kan ho ikkje takast med. Viss aktiviteten blir rekna som ei eiga næringsverksemd, skal overskottet ikkje takast med.
Det er berre overskottet frå denne verksemda som skal takast med i grunnlaget, ikkje heile omsetninga.
Døme
Per driv jordbruk og oppfyller vilkåra for jordbruksfrådrag. I tillegg til jordbruket driv Per også snikkarverksemd med ei omsetning på 29 000 kroner i året. Han har 6 000 kroner i kostnader. Overskottet blir då:
Omsetning 29 000 kroner
- Kostnader 6 000 kroner
= Overskudd 23 000 kroner
Sidan Per si omsetning frå snikkarverksemda er under 30 000 kroner, kan han ta med overskottet på 23 000 kroner i grunnlaget for berekninga av jordbruksfrådraget.
Du kan ta med sjukepengar, foreldrepengar, svangerskapspengar og arbeidsavklaringspengar som erstattar inntekter frå jordbruksverksemda.
Slike ytingar skal førast direkte i skattemeldinga. Ytingane skal også takast med i grunnlaget for jordbruksfrådraget.
Jordbruksfrådraget reduserer ikkje den berekna personinntekta. Det betyr at jordbruksfrådraget ikkje reduserer grunnlaget for berekninga av sjukepengar, foreldrepengar og andre ytingar.
Spesielt for deg som
Dersom du bruker maskiner, reiskapar eller eigedelar på garden i oppdrag for andre, skal dette reknast med i inntektene til garden. Det kan til dømes vere at du bruker traktoren og slåmaskinen på garden for å slå graset til andre.
Dersom meir enn 40 prosent av den samla bruken av eigedelen er i oppdrag for andre, blir dette rekna som ei eiga næringsverksemd.
Jordbruksfrådraget er knytt til ei driftseining. Éi driftseining har rett på eitt jordbruksfrådrag, sjølv om ho blir driven av fleire.
Ei driftseining er vanlegvis ein eigedom der verksemda blir driven, til dømes eit gardsbruk. Viss du eig, leiger eller driv fleire eigedommar, blir desse vanlegvis rekna som éi driftseining, og drifta av eigedommane blir rekna som éi verksemd.
I nokre tilfelle kan ein eigedom delast opp i fleire driftseiningar. Då kan kvar av driftseiningane ha rett til kvart sitt jordbruksfrådrag. Driftseiningane må drivast av ulike personar.
Viss du driv saman med andre og de bur på den same driftseininga, har de berre krav på eitt jordbruksfrådrag med éi samla maksgrense. Dette gjeld uansett om de driv éi felles verksemd eller ei verksemd kvar for dykk. Sjølv om de driv på kvar dykkar eigedom, har de berre krav på eitt jordbruksfrådrag.
Viss de bur på kvar dykkar driftseining og driv to separate verksemder, har de krav på eitt jordbruksfrådrag kvar.
Døme
Ekteparet Per og Kari bur på ein gard der Per driv jordbruk og Kari driv biehald (honningproduksjon). Sidan Per og Kari begge bur på garden der verksemdene blir drivne, får dei berre eitt jordbruksfrådrag.
Viss Per og Kari bur og driv verksemdene sine på to ulike gardar eller eigedommar, vil dei ha krav på kvart sitt jordbruksfrådrag.
Viss du driv jordbruk saman med andre i eit selskap med deltakarfastsetjing (SDF), skal andelen din av overskottet, arbeidsgodtgjersla og leigeinntekta takast med i grunnlaget for jordbruksfrådraget. Føresetnaden er at du eig og bur på eininga som blir driven av selskapet.
Viss du driv med reindrift og/eller skiferproduksjon i tillegg til jordbruksverksemda, er maksgrensa for frådrag 195 000 kroner for alle næringane samla.
Det er eigne frådrag for fiskarar og sjøfolk. Viss du har rett på desse, kan du få desse i tillegg til jordbruksfrådraget.
Dokumentasjon
Du treng ikkje sende oss dokumentasjon eller leggje ved noko i skattemeldinga, men du må ta vare på rekneskapen med bilag og annan dokumentasjon. Du må kunne leggje fram dokumentasjon viss vi ber om det.