Du må opprette ein eigen skattetrekkskonto i banken. Dette er ein spesiell konto der pengane står låste, og berre kan brukast til å betale skatt.

Ansvaret til arbeidsgivaren

Som arbeidsgivar skal du gjere forskottstrekk etter gjeldande tabell eller satsar ved kvar lønnsutbetaling. Forskottstrekket skal du setje inn på skattetrekkskontoen den første kvardagen etter lønnsutbetalinga. Er saldoen på skattetrekkskontoen så høg at han alltid dekkjer det faste trekkansvaret, er det ikkje nødvendig med faste overføringar til kontoen.

Som arbeidsgivar er du ansvarleg for at forskottstrekket blir trekt og innbetalt. Selskapet kan bli gjort økonomisk ansvarleg dersom trekket ikkje blir gjort.

Alle arbeidsgivarar skal ha skattetrekkskonto i ein norsk bank eller i ei norsk avdeling av ein utanlandsk bank.

Frigi beløp på skattetrekkskonto

Pengar som er sette inn på skattetrekkskontoen, kan berre overførast til Skatteetaten eller til ein annan skattetrekkskonto. Har du ved ein feil overført pengar til skattetrekkskontoen, må du søkje om å få dei tilbake.

Bankgaranti som dekkjer skattetrekket

Dersom selskapet ikkje vil bruke ein skattetrekkskonto, kan det stillast ein garanti for skattetrekket. Det vanlegaste er at garantien blir stilt av ein bank. Garantien må vere godkjend av Skatteetaten før lønnsutbetalinga. Vi godtar ikkje garantiar frå bankar og andre finansieringsføretak frå land utanfor EØS-området. Bankgarantien må vere original og må sendast per post til: