Trekkfri bilgodtgjersle – besøksreise til heimen for pendlarar
Gjeld trekkfri bilgodtgjersle (bilgodtgjersle som ikkje overstig Skattedirektoratet sine forskotssatsar) som er utbetalt for å dekkje reiseutgifter til besøk i heimen i Noreg eller utlandet for pendlar.
Kort om trekkfri bilgodtgjersle – besøksreise til heimen for pendlarar
Før opp trekkfri bilgodtgjersle i samband med pendlar sitt besøk i heimen i Noreg eller i utlandet.
Du skal leggje Skattedirektoratet sine satsar til grunn ved verdsettinga. Ein skal ikkje gjennomføre forskotstrekk i bilgodtgjering av reiseutgifter for pendlar ved besøk i heimen avgrensa til 100 880 kroner i året. Satsen for avstandsfrådraget er avhengig av reiseavstanden.
Sjå satsar for frådrag for reise mellom heim og arbeid
Er dekninga av reisa trekkpliktig for utanlandsk arbeidstakar, skal du føre opp dette som trekkpliktig bilgodtgjersle – besøksreise til heimen for utlending med opphald i Noreg.
Er dekninga av reisa trekkpliktig for arbeidstakar som pendlar til heimet i Noreg, skal du føre opp dette som Trekkpliktig anna godtgjerlse på reise.
Frådragsrett
Pendlarar har i utgangspunktet frådragsrett for kostnader til besøksreiser til heimen.
Når arbeidsgivaren dekkjer meirutgifter som arbeidstakaren kan krevje frådrag for på grunn av pendlarstatusen sin, er kostnaden i utgangspunktet skattefri for mottakaren (nettometoden).
Du må vurdere kvar arbeidstakaren har den skattemessige bustaden sin for å kunne leggje til grunn at arbeidstakaren er pendlar.
Besøksreiser til heimen i utlandet for utanlandske arbeidstakarar
- Er trekkfritt ved skattekort utan standardfrådrag eller utan kjeldeskatt på lønn
Når arbeidstakaren har eit skattekort utan standardfrådrag eller utan kjeldeskatt på lønn, kan utgiftsgodtgjersler og naturalytingar som skal dekkje besøksreiser givast trekkfritt. - Er trekkpliktig ved skattekort med standardfrådrag eller med kjeldeskatt på lønn
Når arbeidstakaren har eit skattekort med standardfrådrag eller med kjeldeskatt på lønn, er utgiftsgodtgjersler og naturalytingar som skal dekkje besøksreiser alltid trekkpliktige. Dette gjeld uansett om arbeidstakaren har frådragsrett for slike kostnader eller ikkje.
Sjå òg Skatte-ABC om dekning av meirkostnader og besøksreiser til heimen
Nemninga skal du ikkje bruke for utanlandske arbeidstakarar som har skattekort med kjeldeskatt på lønn.
Les meir om kjeldeskatt på lønn for utanlandske arbeidstakarar
Viktig informasjon
Ein norsk pendlar er ein person som:
- er skattemessig busett i Noreg,
- pendlar mellom bustad i Noreg og bustad i Noreg eller utlandet og
- har krav på frådrag for meirutgifter ved arbeidsopphald utanfor heimen.
Ein utanlandsk pendlar er ein person som:
- er skattemessig busett i utlandet,
- pendlar mellom bustad i utlandet og bustad i Noreg og
- er utanlandsk arbeidstakar som pendlar frå EØS-land og som ikkje har hatt skattekort med standardfrådrag og som ikkje har skattekort med kjeldeskatt på lønn, eller
- utanlandsk arbeidstakar med avgrensa skatteplikt til Noreg som pendlar frå eit land utanfor EØS og som ikkje har hatt skattekort med standardfrådrag og som ikkje har skattekort med kjeldeskatt på lønn.
Kva for opplysningar skal du oppgi
| Beløp | x kroner |
| Type lønn eller yting | utgiftsgodtgjersle, besøksreiser heimen kilometergodtgjersle bil |
| Trekkplikt | nei |
| Grunnlag for arbeidsgivaravgift | nei |
| Skatte- og avgiftsregel | dersom aktuelt |
Tilleggsinformasjon: |
|
| Tal | talet på kilometer |
| Nemning (utanlandsk pendlar) | utanlandsk pendlar med skattekort utan standardfrådrag |
| Tal (utanlandsk pendlar) | talet på reiser |
Beløp
Før opp bruttobeløpet.
Type lønn eller yting
Før opp «utgiftsgodtgjersle» og «besøksreiser heimen kilometergodtgjersle bil».
Trekkpliktig
Ytinga er ikkje trekkpliktig.
Grunnlag for arbeidsgivaravgift
Du skal ikkje rekne arbeidsgivaravgift av ytinga.
Skatte- og avgiftsregel
Dersom inntektsmottakaren oppfyller vilkåra, skal du bruke skatte- og avgiftsreglane:
Skatte- og avgiftsregelen gjeld:
- inntektsmottakarar som kjem inn under Svalbardskattelova
Dersom inntektsmottakaren oppfyller vilkåra skal du markere lønn og andre ytingar med «Svalbard».
Du må òg markere forskotstrekk som høyrer til, med nemninga «Svalbard».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Svalbard, sjå fagforeiningskontingent, premie til pensjonsordningar, premie til fond og trygd og brakkeleige.
Skatte- og avgiftsregelen gjeld:
- inntektsmottakarar som kjem inn under Jan Mayen-skattelova.
Dersom inntektsmottakaren oppfyller vilkåra skal du markere lønn og andre ytingar med «Jan Mayen og bilanda».
Du må òg markere forskotstrekk som høyrer til med «Jan Mayen og bilanda».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Jan Mayen og bilanda, sjå fagforeiningskontingent og premie til pensjonsordningar.
Skatte- og avgiftsreglane gjeld ikkje for utanlandsk pendlar med skattekort utan standardfrådrag.
Tilleggsinformasjon
- Tal
Før opp talet på kilometer. - Nemning
Før opp «utanlandsk pendlar med skattekort utan standardfrådrag» når arbeidstakaren har eit skattekort utan standardfrådrag for utanlandske arbeidstakarar. Denne nemninga brukar du óg når arbeidstakar har eit skattekort utan kjeldeskatt på lønn for utanlandske arbeidstakarar.
- Tal (gjeld berre utanlandsk pendlar)
Før opp talet på reiser når arbeidstakaren har eit skattekort utan standardfrådrag for utanlandske arbeidstakarar.
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Rette feil
| MAGNET_EDAG-114 Ugyldig verdi |
| MAGNET_EDAG-114B Ugyldig verdi for denne kalendermånaden |
| MAGNET_EDAG-200 Denne inntekta er rapportert med feil opplysningar og er ugyldig |
| MAGNET_EDAG-230B Ugyldig verdi |
| MAGNET_EDAG-243 Opplysningar om oppteningsperiode er ugyldig |
| MAGNET_EDAG-298 Denne inntekta er rapportert med feil opplysningar og er ugyldig |
Kva brukar vi opplysningane til
NAV brukar opplysningane i kontrollar.
Skatteetaten brukar opplysningar om besøksreise til heimen for pendlar til å sikre at arbeidstakaren ikkje krev frådrag for arbeidsgivaren si dekning. Eit eventuelt overskot skal overførast til skattemeldinga.
Statistisk sentralbyrå (SSB) brukar opplysningane til statistikkføremål.
Aktuelt regelverk
