Avtalefesta pensjon
Gjeld avtalefesta pensjon (AFP).
Kort om avtalefesta pensjon
Før opp ordinær avtalefesta pensjon.
Ordinær avtalefesta pensjon er avtalefesta pensjon i offentleg sektor og avtalefesta pensjon i privat sektor som byrja å gjelde før 1. januar 2011. Det siste året med ordinære utbetalingar av avtalefesta pensjon i privat sektor var 2015.
Utbetaling av livsvarig avtalefesta pensjon i offentleg sektor til personer som er født i 1963 eller seinere skal rapporteres med beskrivelsen livsvarig AFP i offentleg sektor.
Les meir om avtalefesta pensjon på nav.no.
Les meir om ny avtalefestet pensjon (AFP) i privat sektor som byrja å gjelde 1. januar 2011 eller seinare.
Kva for opplysningar skal du oppgi
| Beløp | x kroner |
| Type lønn eller yting | kontantyting, avtalefesta pensjon (AFP) |
| Trekkpliktig | ja |
| Grunnlag for arbeidsgivaravgift | ja/nei |
| Skatte- og avgiftsregel | dersom aktuelt |
Tilleggsinformasjon: |
|
| Pensjonsgrad | x prosent |
| Periode (ved etterbetaling) | startdato og sluttdato |
Beløp
Før opp bruttobeløpet.
Type lønn eller yting
Før opp «kontantyting» og «avtalefesta pensjon» (AFP).
Trekkpliktig
Ytinga skal alltid førast opp som trekkpliktig.
Du kan late vere å gjennomføre forskotstrekk dersom trekkbeløpet er under minstegrensene for forskotstrekk.
Grunnlag for arbeidsgivaravgift
Du skal ikkje rekne arbeidsgivaravgift av ytinga.
Unnatak:
Ein sjeldan gong kan det vere slik at sjølve utbetalinga skal med i grunnlag for arbeidsgivaravgift. Dette kan gjelde for utbetalingar frå Oslo pensjonsforsikring og Statens pensjonskasse.
Skatte- og avgiftsregel
Dersom inntektsmottakaren oppfyller vilkåra, skal du bruke skatte- og avgiftsreglar:
Skatte- og avgiftsregelen gjeld inntektsmottakarar som:
- ikkje er skattemessig busette i Noreg, og
- betalar kjeldeskatt på pensjonar
Du må markere forskotstrekk som høyrer til med «kjeldeskatt på pensjon».
Skatte- og avgiftsregelen og forskotsnemninga skal du ikkje bruke for ytingar som har kjeldeskatt på lønn.
Skatte- og avgiftsregelen gjeld:
- inntektsmottakarar som kjem inn under Svalbardskattelova
Dersom inntektsmottakaren oppfyller vilkåra skal du markere lønn og andre ytingar med «Svalbard».
Du må òg markere forskotstrekk som høyrer til, med nemninga «Svalbard».
Sjå utfyllande informasjon om forskotstrekk i a-meldinga
Hugs óg å oppgi riktig nemning av frådraget når det er ei eiga frådragsnemning for Svalbard, sjå fagforeiningskontingent, premie til pensjonsordningar, premie til fond og trygd og brakkeleige.
Tilleggsinformasjon
- Pensjonsgrad
Før opp pensjonsgrad i prosent.
Pensjonisten kan velje å ta ut 20, 40, 50, 60, 80 eller 100 prosent pensjon. Dersom du brukar ulik pensjonsgrad i ulike periodar skal du føre opp perioden du gir opplysningar om. - Periode (ved etterbetaling)
Før opp startdatoen og sluttdatoen ytinga gjeld for.
Oppteningsperiode (frivillig)
Du kan oppgi oppteningsperiode for alle typar lønn og andre ytingar i a-meldinga. Både startdato og sluttdato for oppteningsperioden må vere innanfor same rapporteringsmånad.
Når skal du rapportere
Før opp ytinga den kalendermånaden du har utbetalt beløpet.
Etterbetale
Skal du etterbetale, fører du opp beløpet og perioden det gjeld for i den kalendermånaden du har utbetalt beløpet.
Døme
Eit pensjonsselskap skal etterbetale 10 000 kroner til William for perioden 1. januar 2021 til 31. desember 2021.
| Beløp | 10 000 kroner |
| Tilleggsinformasjon: | |
| Periode | 1. januar 2021 til 31. desember 2021 |
I tillegg fører dei opp andre obligatoriske opplysningar.
Fleire inntektsår
Dersom etterbetalinga gjeld fleire inntektsår, skal beløpet delast opp i éin transaksjon per inntektsår.
Døme
Eit pensjonsselskap skal etterbetale 20 000 kroner til Ella for perioden 1. januar 2021 til 31. desember 2022.
| 2021 | |
| Beløp | 10 000 kroner |
| Tilleggsinformasjon: | |
| Periode | 1. januar 2021 til 31. desember 2021 |
I tillegg fører dei opp andre obligatoriske opplysningar.
| 2022 | |
| Beløp | 10 000 kroner |
| Tilleggsinformasjon: | |
| Periode | 1. januar 2022 til 31. desember 2022 |
I tillegg fører dei opp andre obligatoriske opplysningar.
Rette feil
| MAGNET_EDAG-114 Ugyldig verdi |
| MAGNET_EDAG-114B Ugyldig verdi for denne kalendermånaden |
| MAGNET_EDAG-200 Denne inntekta er rapportert med feil opplysningar og er ugyldig |
| MAGNET_EDAG-230B Ugyldig verdi |
| MAGNET_EDAG-243 Opplysningar om oppteningsperiode er ugyldig |
| MAGNET_EDAG-248 Ulogisk periode |
| MAGNET_EDAG-260 Start- og sluttdato for etterbetalingsperiode må vere innanfor same år |
| MAGNET_EDAG-298 Denne inntekta er rapportert med feil opplysningar og er ugyldig |
Kva nyttar vi opplysningane til
Skatteetaten brukar opplysningar om pensjon og trygd til å fastsetje inntekt. Beløpet blir summert med andre ytingar og overført til skattemeldinga. Avtalefesta pensjon gjev rett til skattefrådrag.
Statistisk sentralbyrå (SSB) nyttar opplysningane til statistikkføremål.
