Kvifor denne feilmeldinga

Hovudeininga di manglar undereining i Einingsregisteret/Brønnøysundregistera. Du må ha undereininga når du skal rapportere opplysningar om arbeidsforhold av typen ordinært, maritimt eller frilansar, oppdragstakar og personar som tek imot honorar.

Du har brukt organisasjonsnummeret til hovudeininga, både for hovedeininga og undereininga.

Dette kan til dømes kome av at

• det ikkje har blitt oppretta ei undereining for hovudeininga di
• hovudeininga di er registrert i Einingsregisteret/Brønnøysundsregistera med ei organisasjonsform som ikkje kan ha undereining eller tilsette
• du har rapportert feil og skulle ikkje ha rapportert tilsette av typen ordinært, maritimt eller frilansar, oppdragstakar og personar som tek imot honorar

 

Retting

Ja, a-meldinga inneheld alvorlege feil eller manglar du må rette opp. A-meldinga har blitt avvist.

Du må rette feilen innan fristen for å levere a-melding for kalendermånaden du har fått feilmeldinga.

Alvorsgrad: Avvising

Sjå oversikta over ulike alvorsgradar på feil 

 

Slik rettar du

1. Du må kontakte Statistisk Sentralbyrå (SSB) på e-post virksomhetsregister@ssb.no eller telefon 62 88 55 88 for å få oppretta undereining eller få avklart om hovudeininga er registrert med feil organisasjonsform.
   
   
2. Når du har fått organisasjonsnummer for undereining, sender du inn a-meldinga. Dersom du nyttar eit lønnssystem, må du ta kontakt med systemleverandøren dersom du er usikker på korleis du rettar i systemet.

Her finn du meir informasjon om bruk av rett organisasjonsnummer i a-meldinga.