Kort om ArbeidsforholdsID

ArbeidsforholdsID er en identifikator for arbeidsforholdet og opplysningar som overførast til NAV. Du må bruke en unik arbeidsforholdsID for kvart arbeidsforhold. Dersom ein arbeidstakar eller frilansar har fleire arbeidsforhold i same verksemd skil arbeidsforholdID-en arbeidsforholda frå kvarandre.

Brukar du eit lønns- eller personalsystem, blir det vanlegvis generert ein arbeidsforholdsID når du opprettar eit nytt arbeidsforhold.

Før opp arbeidsforholdsID når:

• Du tilset ein ny arbeidstakar eller inngår ei ny avtale med ein frilansar
  Du skal oppgi ein unik arbeidsforholdsID når ein arbeidstakar eller frilansar startar. Arbeidsforholdet skal rapporterast for den undereininga der arbeidstakaren eller frilansaren skal jobbe.
  
  
• Ein arbeidstakar eller frilansar har slutta i undereininga og byrjar att
  Dersom ein arbeidstakar eller frilansar sluttar i eit arbeidsforhold og seinare startar opp i eit nytt arbeidsforhold i den same undereininga, må du oppgi ein ny arbeidsforholdsID for å skilje arbeidsforholda frå kvarandre. Det same gjeld for sesongarbeidarar. Tilset du ein sesongarbeidar som har jobba hos deg tidlegare, skal du oppgi ein ny arbeidsforholdsID, og ikkje den du oppga for arbeidsforholdet førre sesong.
  
  
• Fleire arbeidsforhold i ulike undereiningar i same foretak
  Har arbeidstakaren eller frilansaren fleire arbeidsforhold i ulike undereiningar i same føretak, skal arbeidsforholda førast opp for kvar undereining med kvar sin arbeidsforholdsID.
  
  
• Fleire arbeidsforhold i same undereining samtidig
  Når ein arbeidstakar eller frilansaren har fleire arbeidsforhold i same undereining samtidig, fører du opp desse med ulike arbeidsforholdsID-ar, slik at det er mogeleg å skilje mellom arbeidsforholda. Arbeidsgivaren/oppdragsgivaren må vurdere om personen har eitt eller fleire arbeidsforhold i same undereining. Ein person har typisk fleire arbeidsforhold når
  
  • arbeidsforholda er så ulike at dei har forskjellig yrkeskode
  • arbeidsforholda blir lønna ulikt
  • eit arbeidsforhold er fast og eit anna er mellombels

Dette blir ikkje rekna som fleire arbeidsforhold:

• Dersom ein arbeidstakar eller frilansar har fleire stillingar eller oppdrag i same undereining med likt innhald (til dømes éin yrkeskode) og lik lønn.
• Dersom ein arbeidstakar eller frilansar har ulike oppgåver eller arbeider på ulike prosjekt, skal dette i dei aller fleste tilfelle givast opp som eitt arbeidsforhold. Arbeidsgivaren/oppdragsgivaren har ofte behov for å knyte kostnader til ulike aktivitetar eller prosjekt, men ein skal ikkje føre opp dette som fleire arbeidsforhold i a-meldinga.

 

 

 

 

 

 

 

Er det obligatorisk

Ja, du må føre opp arbeidsforholdsID for alle arbeidsforhold. Når ein person hafr meir enn eit arbeidsforhold i same undereining, er det viktig at du brukar ulik arbreidsforholdsID på arbeidsforholda. Dette gjeld òg når det er eit opphald i tid mellom eit gammalt og eit nytt arbeidsforhold i den same undereining.

Du skal ikkje oppgi arbeidsforholdsID dersom type arbeidsforhold er pensjon eller andre ytingar utanfor arbeidsforhold.

 

Rette feil

 

 

Kva nyttar vi opplysningane til

NAV brukar arbeidsforholdsID for å avgjere om ein person har fleire arbeidsforhold i den same undereininga. Det kan anten vere for å skilje mellom fleire arbeidsforhold ein person kan ha i den same verksemda i same periode, eller for å skilje mellom fleire arbeidsforhold ein person kan ha i den same undereining i ulike periodar.

Dersom ein arbeidstakar har fleire arbeidsforhold i den same undereininga, har NAV behov for ein ID for å skilje opplysningane frå kvarandre. Ein arbeidstakar kan òg bli sjuk eller permittert i berre eitt av arbeidsforholda, og då treng etatane å vite kva for arbeidsforholdsopplysningar som er knytte til kva arbeidsforhold.

Ved søknad om sjukepengar, foreldrepengar, svangerskapspengar, pleiepengar, omsorgspengar eller opplæringspengar forventar NAV å få éin Inntektsmelding (NAV 08-30.01) for kvart arbeidsforhold arbeidstakaren har i Aa-registeret utan sluttdato. Dersom arbeidsgivar ikkje sender same talet på inntektsmeldinger tilsvarande rapporterte arbeidsforhold til Aa-registeret, forlenger det sakshandsamingstida i NAV og det fører til forseinkinger og meirarbeid for både arbeidstakar, arbeidsgivar og NAV.

Opplysningar om arbeidsforholdsID blir overførte til Aa-registeret. NAV distribuerer opplysningar om arbeidsforhold frå Aa-registeret til private og offentlege aktørar som har lov til å ta imot dei. Døme på dette er Skatteetaten og Arbeidstilsynet.